Óæskilegt að greiða arð út úr félagi í uppbyggingarfasa sem fjármagnar sig með lántöku og hækkandi verðskrá
„Eyjafjarðarsveit hefur til fjölda ára bent stjórn Norðurorku á að sveitarfélagið telji óæskilegt að greiða arð út úr félaginu á meðan það er í viðamiklum uppbyggingarfasa sem þarf að fjármagna með lántöku og hækkandi verðskrám,“ segir í bókun sveitarstjórnar Eyjafjarðarsveitar í tilefni af fundargerð Norðurorku frá því fyrr í haust, en þar var m.a. erindi frá sveitarfélaginu um málefni er snúa að því. Fram kom á þeim fundi að hluti stjórnar fyrirtækisins vildi bjóðast til að kaupa hlut Eyjafjarðarsveitar í Norðurorku.
„Sveitarstjórn hefur talið að sú staða sem nú sé komin upp hjá félaginu sé að hluta til komin vegna þess að fjármunir séu ekki nýttir innan félagsins í þróun og uppbyggingu innviða heldur sé þeim beint út úr félaginu í formi arðgreiðslna. Í þessu samhengi hefur sveitarfélagið bent á mikilvægi þess að stjórn hafi hagsmuni félagsins í forgrunni í tillögum sínum til eigenda. Þetta er ekki einungis vegna þess að Eyjafjarðarsveit er örhluthafi í fyrirtækinu heldur ekki síst vegna þess að stór hluti íbúa þess eru viðskiptavinir fyrirtækisins og þar með háðir því að fjárfestingar í veitukerfum geti staðið undir rekstri þeirra og vexti. Einnig verður ekki fram hjá því horft að hluti af þeim auðlindastraumum sem Norðurorka nýtir eru innan Eyjafjarðarsveitar og eðlilegt að íbúar horfi til þess að þeir straumar nýtist til uppbyggingar þar ekki síður en annars staðar.“
Hafa skilning á takmarkaðri getu til að afhenda vatn
Jafnframt áréttar sveitarstjórn Eyjafjarðarsveitar að erindi til stjórnar Norðurorku á dögunum hafi ekki einungis snúist um þrjú verkefni í sveitarfélaginu heldur um samhengi þeirra við önnur verkefni hjá félaginu og takmarkaða getu til að afhenda heitt vatn í dag sem sveitarstjórn hefur skilning á. „Þá sneri erindið að auki um samhengi arðgreiðslna, lántöku og fjárfestingaþarfar félagsins. Upplifun sveitarfélagsins var á þeim tíma sú að mögulega væri verkefnum mismunað eftir staðsetningu þeirra og var því óskað eftir samtali við stjórn um stöðuna. Bendir sveitarfélagið á að mikilvægt sé að samfélögin öll sem standa að Norðurorku nálgist málið sameiginlega með hóflegum væntingum um verkefni þar til félagið hefur náð vopnum sínum aftur.“
Ekki hefur borist formlegt erindi frá stjórn Norðurorku um það hvort bjóða eigi sveitarfélaginu kaup á hlut þess í félaginu eða fyrirspurn um það hvort sveitarfélagið beri ekki traust til þess.
Sveitarstjórn leggur áherslu á að mikilvægt sé að skapa og viðhalda góðu trausti milli eigenda, viðskiptavina og stjórnar Norðurorku. Það mætti meðal annars gera með því að verða við óskum um samtöl við stjórn þegar eigendur telja málefnin brýn, að eigendur hafi hver fyrir sig áheyrnafulltrúa í stjórn í stað eins sameiginlegs, að eigendur taki allir þátt í gerð eigendastefnu þegar þar að kemur og að í stjórn sitji fagaðilar til blands við kjörna fulltrúa segir enn fremur.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
