NÝTT FRAMBOÐ – GOTT FÓLK
Hjörleifur Hallgrímsson skrifar
Senn lýður að bæjarstjórnarkosningum, sem verða 14. maí n.k.
Í fyrsta skipti býður sig fram stjórnmálaafl hér á Akureyri sem hefur að leiðarljósi að vinna fyrir eldri borgara, öryrkja og þá sem minna mega sín og segir fólkið fyrst svo allt hitt á eftir JÖFNUÐUR, SAMVINNA , MANNÚÐ. Þetta stjórnmálaafl er FLOKKUR FÓLKSINS sem auðvitað hefur svo fleiri mál á stefnuskrá sinni og má þar til nefna skipulagsmál sem eru í fullkomnu ólestri og ábyrgðarleysi, fjármál bæjarins sem einkennst hafa í sumum tilfellum af sukki, ábyrgðarleysi og gæluverkefnum og síðan heilbrigðismál, skólamál, íþróttir og listir svo eitthvað sé nefnt.
Ég undirritaður hef starfað lengi í pólitík og óttast þá miklu endurnýjun, sem er framundan í bæjarstjórn Akureyrar þar sem líklega aðeins fjórir af ellefu núverandi fulltrúar eru í framboði. Þar af leiðir að margt ungt fólk og reynslulítið í lífinu almennt er í framboði og grunur minn er sá að þar fari sumir fram af meiri metnaði en ábyrgð af því það þykir fínt að sitja í bæjarstjórn en hugsjónina vantar. Ég er alls ekki á móti ungu fólki nema síður sé og finnst það margt hafa mikið til brunns að bera en hollt er hverjum að þekkja sinn vitjunartíma. „Hvað ungur nemur þá gamall temur“. Mikið til þess vegna teflir FLOKKUR FÓLKSINS fram fullorðnu fólki, reynslumiklu úr lífsins ólgu sjó og vel menntuðu en auðvitað yngra fólki innan um.
SANNLEIKURINN UM BSO MÁLIÐ
Málþóf stendur mikið um staðsetningu þess gamla og fornfræga húss BSO húsið. Skipulagsráð vill húsið í burtu í óþökk fjölmargar bæjarbúa og einnig bifreiðastjóranna. Margrét Imsland framkv.stj. bifreiðastöðvarinnar og í framboði fyrir Miðflokkinn hefur farið mikinn í Mbl, Fréttablaðinu og nú síðast í viðtali við fréttamann RÚV á Akureyri þegar þetta er skrifað um flutning á húsinu og hefur alfarið á ómerkilegan hátt að því er séð sleppt aðalatriði málsins. Þarna hef ég saknað úr sama starfi, sem var fyrir góðrar og röggsamrar konu í alla staði en það var Ásdís Ásmundsdóttir, sem er gegnheil manneskja mjög. Aðalatriði BSO málsins er að ég var í góðu sambandi við forstöðukonu Minjasafns Íslands, Kristínu Huld. Í framhaldi af því var afráðið að ég skrifaði beiðni til Minjasafnsins um friðlýsingu hússins eftir góða umsögn um húsið og tilurð þess frá annars vegar Jóni Hjaltasyni sagnfræðingi en hann er sá sem hefur skrifað sögu Akureyrar allt frá árinu 890 og hins vegar frá Runólfi Ólafssyni form. FÍB, sem eftir mikla eftirgrenslan fullyrti að BSO væri eina húsið á öllu Íslandi, sem hefði verið byggt sem leigubílastöð og væri enn tæpum 70 árum seinna rekin sem slík. Minjastofnun gat samt ekki orðið við beiðni minni um friðun hússin en í greinargerð, sem til er í tölvupósti frá úrskurðarnefnd Minjastofnunar og ég afhenti Margéti Imsland persónulega er skýrt tekið fram að við húsinu eða þeirri starfsemi, sem þar er getur bæjarstjórn Akureyrar ekki hróflað nema í fullu samráði við leigubifreiðastjórana sjálfa. Svo mörg eru þau orð sem Margrét hefur á ómerkilegan hátt hvergi komið á framfæri og þess vegna skal hér komið á framfæri. Einnig að hægt er að ímynda sér hvaða afstöðu Miðflokkurinn tekur til málsins. Þá vildi ég biðja frétta og blaðamenn RÚV, Mbl. og Fréttablaðsins að hafa það sem sannara reynist en ekki vaða í villu og svíma. Að lokum vil ég geta þess að ég veit ekki annað en FLOKKUR FÓLKSINS sé meðmæltur veru BSO hússins á þeim stað sem það er nú.
Hjörleifur Hallgríms eldri borgari
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar.
