20. nóvember - 27. nóvember - Tbl 47
Nýsköpun: Tækifæri og áskoranir þema Sjónaukans í ár
Helstu fyrirlesarar Sjónaukans 2024
Það má búast við lífi og fjöri í Háskólanum á Akureyri í næstu viku þegar Sjónaukinn, árleg ráðstefna Heilbrigðis-, viðskipta- og raunvísindasviðs HA fer fram dagana 15. og 16. maí. Ráðstefnan hefst klukkan 9 báða dagana og fer fram bæði á íslensku og ensku. Öll eru velkomin til þess að taka þátt á staðnum eða í streymi. Venju samkvæmt er dagskráin metnaðarfull og fjölbreytt með fjölda málstofa auk pallborðsumræðna sem endurspegla þema ráðstefnunnar í ár sem er Nýsköpun: Tækifæri og áskoranir.
„Sjónaukinn var fyrst haldinn af þáverandi Heilbrigðisvísindasviði HA árið 2018 og hefur verið haldinn árlega síðan. Ráðstefnan er fyrir öll þau sem hafa áhuga á heilbrigðisvísindum í víðum skilningi og á því erindi við marga. Nýjung í ár eru pallborðsumræður sem fara fram á ensku þar sem bæði innlendir og erlendir aðilar koma saman til að ræða nýsköpun“ segir Sonja Stelly Gústafsdóttir, formaður Sjónaukanefndarinnar í ár.
Aðalfyrirlesararnir koma úr ólíkum áttum og ættu að gefa þátttakendum innsýn í fjölbreyttan heim nýsköpunar. Þau eru:
- Dr. Kjartan Sigurðsson, lektor við HA og stjórnandi nýsköpunar- og frumkvöðlaseturs við HA
- Guðmundur Fertram Sigurjónsson, forstjóri og stofnandi Kerecis
- Bergljót Borg, framkvæmdastjóri Styrktarfélags lamaðra og fatlaðra og Ósk Sigurðardóttir, deildarstjóri Höfuðborgardeildar Rauða krossins
- Dr. Gojiro Nakagami, prófessor við UTokyo
- Dr. Sigríður Halldórsdóttir, prófessor við HA
- Hanna Sigríður Ásgeirsdóttir, verkefnastjóri Hátinds 60+
Einnig munu Arna Sól Mánadóttir, Hrafnhildur Ósk Halldórsdóttir og Thelma Dögg Grétarsdóttir, BS í iðjuþjálfun, segja frá nýsköpunarverkefni sem varð til upp úr námsverkefni í skólanum og felst í að þróa lausn til að fyrirbyggja handar- og handleggstitring við vinnu í stóriðju.
Auk erinda aðalfyrirlesara og pallborðsumræðna fara fram fjölbreyttar málstofur. Þemu málstofanna eru meðal annars: Hugur og heilsa, Langvinn veikindi og endurhæfing, Heilsa Íslendinga, Velferðartækni, Heilsa á ólíkum æviskeiðum, Líðan í starfi og Stjórnun. Stór hluti af erindum á ráðstefnunni eru kynningar nema, sem eru að ljúka meistaranámi í heilbrigðisvísindum, á rannsóknarverkefnum sínum. Þar má nefna að Vera Sif Rúnarsdóttir mun kynna niðurstöður rannsóknar á tengslum áfalla í æsku við almennt heilsufar á fullorðinsárum og Helena Halldórsdóttir kynnir lífssögurannsókn á áhrifum eineltis á vinnustað.
Hvort sem þú hyggst taka þátt í Sjónaukanum á staðnum eða í streymi er mikilvægt að þú skráir þátttöku þína. Í gegnum QR kóðann getur þú skráð þig og nálgast ítarlegri dagskrá Sjónaukans á heimasíðu skólans.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
