Ný Sóknaráætlun Norðurlands eystra samþykkt
Ný Sóknaráætlun Norðurlands eystra var samþykkt nýverið. Hún hefur þegar tekið gildi og Ný gildir til loka árs 2029. Áætlunin er stefnumótandi og í henni hafa heimamenn sameinast um framtíðarsýn, markmið og verkefni.
Vinnan við nýja Sóknaráætlun hófst í desember 2023 og hafa á þessu ári sem áætlunin var í vinnslu yfir 400 manns komið að gerð hennar, en aðkoma ólíkra hópa tryggir okkur enn betri vinnu.
Árlega koma um 150 milljónir í gegnum farveg Sóknaráætlunar Norðurlands eystra til verkefna á svæðinu. Dæmi um verkefni sem hafa verið styrkt úr Sóknaráætlun eru Fiðringur – hæfileikakeppni unglinga, ungmennaþing SSNE, Líforkuver í Eyjafirði, Gull úr Grasi, samgöngu- og innviðastefna Norðurlands eystra og fjárfestingar á Norðurlandi eystra svo dæmi séu tekin.
„Ég bind miklar vonir við að Sóknaráætlunin skapi traustan grunn framfara í landshlutanum og sé þess megnug að færa okkur samstíga áfram veginn,“ segir segir Lára Halldóra Eiríksdóttir stjórnarformaður SSNE á vefsamtakanna.
Íbúar um 31 þúsund talsins í 10 sveitarfélögum
Starfssvæði Samtaka sveitarfélaga og atvinnuþróunar á Norðurlandi eystra (SSNE) nær frá Siglufirði til Bakkafjarðar að undanskildum Tjörneshreppi. Heildaríbúafjöldi svæðisins er um 31 þúsund manns eða um 8,2% allra íbúa landsins. Sveitarfélögin eru 10 talsins, það fjölmennasta er Akureyri með hátt í 20 þúsund íbúa en það fámennasta, Grýtubakkahreppur, er með rétt rúmlega 400 íbúa. Frá árinu 2019 hefur íbúum með erlent ríkisfang fjölgað um rúmlega eitt þúsund og eru þeir nú um 10% af heildaríbúafjölda
Nýjast
-
„Villtustu handrit geta orðið að veruleika“
-Segir Ágúst Þór Brynjarsson um Eurovision-drauminn -
Leiðsögn um helgina í Listasafninu á Akureyri
Um helgina verður boðið upp á tvenns konar leiðsögn um fjórar sýningar Listasafnsins á Akureyri. Á laugardaginn kl. 15 verður leiðsögn um sýningar Fríðu Karlsdóttur, Ekkert eftir nema mýktin, og Jónasar Viðars, Jónas Viðar í safneign. Aðgangur er innifalinn í miðaverði. Á sunnudaginn kl. 11-12 mun Heiða Björk Vilhjálmsdóttir, verkefnastjóri fræðslu og miðlunar, stýra fjölskylduleiðsögn og segja börnum og fullorðnum frá sýningunni Átthagamálverkið: Á ferð um Norðausturland liðinnar aldar og sýningu Sólveigar Baldursdóttur, Augnablik – til baka. Að lokinni leiðsögn er gestum boðið að búa til sitt eigið listaverk, innblásið af verkum sýninganna. Aðgangur á fjölskylduleiðsögnina er ókeypis í boði Norðurorku sem styrkir sérstaklega safnkennslu og fræðslu fyrir börn og fullorðna í Listasafninu. -
Ný Sóknaráætlun Norðurlands eystra samþykkt
Ný Sóknaráætlun Norðurlands eystra var samþykkt nýverið. Hún hefur þegar tekið gildi og Ný gildir til loka árs 2029. Áætlunin er stefnumótandi og í henni hafa heimamenn sameinast um framtíðarsýn, markmið og verkefni. -
Jafnréttisáætlun Háskólans á Akureyri fyrir árin 2025-2028
Jafnréttisáætlun Háskólans á Akureyri fyrir árin 2025-2028 var samþykkt af Háskólaráði í lok nóvember á liðnu ári og af Jafnréttisstofu um miðjan desember síðastliðinn. -
Karlakór Akureyrar-Geysir gefur út nýja plötu á Spotify
„Það er mikill fengur að þessari plötu og við finnum fyrir miklum áhuga,“ segir Benedikt Sigurðarsson formaður Karlakórs Akureyrar-Geysis sem nýverið setti í spilum nýja plötu á Spotify. Titill plötunnar er Karlakór Akureyrar-Geysir 100 ár. Á plötunni eru alls 9 lög sem hljóðrituð voru í nóvember 2023. Kórinn fagnaði 100 ára samfelldu kórastarfi á Akureyri árið 2022.Söngstjóri Karlakórs Akureyrar-Geysis er Valmar Väljaots sem tók við kórnum árið 2021 -
Fáránleiki nýja ársins
Egill P. Egilsson skrifar um afneitun lífsins nautna -
Okkar heimur vinnur að því að setja upp fjölskyldusmiðju á Akureyri
Velferðarráð Akureyrar er tilbúið að styrkja verkefni sem góðagerðarsamtökin Okkar heimur hefur óskað eftir um 400 þúsund krónur með þeim fyrirvara að fyrir liggi að það sé að fullu fjármagnað og ljóst að það fari af stað eins og það er orðað í bókun Velferðarráðs. -
Fræðslu- og lýðheilsuráð skoðar notkun á Hreyfikorti eldri borgara um mitt ár
Fræðslu- og lýðheilsuráð Akureyrar mun um mitt þetta ár, 2025 taka stöðuna á notkun Hreyfikorts og fara yfir kosti og galla þess. Ráðið mun þá leita álits öldungaráðs Akureyrarbæjar um hvernig til hefur tekist. -
Gefins bækur í dag!
Bókasafn Svalbarðsstrandarhrepps hefur verið lagt niður og gerður þjónustusamningur við Amtsbókasafnið sem mun veita íbúum Svalbarðsstrandarhrepps sömu þjónustu og íbúum Akureyrarbæjar hvað varðar aðgang að safnakosti og annarri þjónustu sem safnið hefur upp á að bjóða hverju sinni.
