20. nóvember - 27. nóvember - Tbl 47
Ný skólastefna!
Anna Kolbrún
Undanfarið hefur menntun í verk- iðn- og tæknigreinum (VIT) fengið aukna umfjöllun. Flestir ef ekki allir tala um að auka þurfi vægi námsins á öllum skólastigum. Háskólinn á Akureyri ætlar að leggja sitt af mörkum og í stefnu háskólans sem gildir til ársins 2023 er beinlínis talað um að bjóða eigi upp á nám í tæknifræði. Í stefnunni segir að auka eigi námsframboð sem nái til breiðari hóps nemenda og tekur jafnframt mið af þörfum atvinnulífs um meiri menntun í tæknigreinum, námið geti hafist 2020 eða eftir tvö ár ef allt gengur eftir.
Hér á Akureyri erum við líka svo heppin að hafa Verkmenntaskóla sem býður upp á nám sem gagnast atvinnulífinu og þar með samfélaginu öllu og sem meira er, það passar við áform háskólans. Að þessu sögðu er samt ekki víst að allir hafi áhuga á því að fara í nám á háskólastigi en það er þó mikilvægt að það standi þeim til boða sem það vilja. Ákall er um verk- iðn- og tæknimenntað fólk á öllum sviðum samfélagsins og fyrir stuttu síðan komu fram tölur um að þeir sem ljúka sveinsprófum hafi fækkað um 35% á undanförnum árum og Samtök Iðnaðarins hafa vakið athygli á vægi iðnnáms undanfarið og ekki veitir af.
Þá að Háskólanum á Akureyri aftur og hvernig allt hangir saman, ef vel tekst til og tæknifræðin verður að veruleika, sem allt stefnir í, verður hægt að bjóða tæknifræðinemum við HA að taka kennsluréttindi samhliða og ef út í það er farið þá gætu fleiri skapandi greinar fylgt, sköpun er undirstaða svo margs og í framhaldi er þá hægt að ráða verk- iðn- og tæknimenntaða kennara inn í skólana og leik- og grunnskólastigið er þar ekki undanskilið. Það er kominn tími til að móta og setja nýja skólastefnu fyrir Akureyrarbæ sem tekur mið af nútíma samfélagi og mannauðnum sem þar er að finna. Kennarar eiga það skilið að ný skólastefna taki mið að þörfum hvers og eins, að öllum fögum verði gert jafnt hátt undir höfði. Háskólinn á Akureyri er greinilega tilbúinn að koma að verkinu, spurningin er hvort samfélagið hafi hlustað nægjanlega vel á raddir þeirra sem vilja standa vel að kennaramenntuninni og þeirra sem vilja gera kennarastarfið að lífsstarfi.
-Anna Kolbrún Árnadóttir, 2. varaformaður og þingmaður Miðflokksins í NA – kjördæmi
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
