20. nóvember - 27. nóvember - Tbl 47
Ný kornþurrkstöð risin á Húsavík
Nýja kornstöðin Mynd epe
Búnaðarsamband Suður-Þingeyinga (BSÞ) ásamt Fjárfestingafélagi Þingeyinga kynnti áform um þurrkstöð við Húsavík á fjárfestingahátíð Norðanáttar sem fram fór á Siglufirði á síðasta ári. Þurrkstöðin við Húsavík mun auk þess að framleiða grasköggla, þurrka korn og eins er ætlunin að þurrka grisjunarvið og framleiða m.a. undirburð. Nýttur verður glatvarmi frá Hveravöllum í þurrkstöðina
Þurrka bygg til að byrja með
„Fyrsti fasinn er í raun kornþurrkstöð. Við erum að byrja á korninu og ætlum að byggja rekstargrundvöll undir það. Síðan er á fimm ára plani að fara í graskögglana,“ segir Haukur Marteinsson, formaður Búnaðarsambands S-Þingeyinga. Sílóin eru komin upp við Víðimóa á Húsavík og gert er ráð fyrir að þurrkarinn verði komin í gagnið á laugardag. „Það er stefnan að byrja að þreskja um helgina, bygg af starfsvæði BSÞ. Við notum þetta til að minnka innflutning á fóðri fyrir dýrin okkar, minnka kolefnisspor og auka tekjur fyrir bændur,“ segir Haukur. Um er að ræða þurrkstöð sem getur afkastað 1000 tonnum af korni á hausti en Haukur gerir ráð fyrir að það verði eitthvað minna þetta fyrsta haust. „Við þurrkuðum t.d. í fyrra um 250 tonn.“
Stefnt á að stórauka framleiðsluna
„Þetta er útistandandi þurrkstöð af einföldustu gerð. Þessi fyrsti fasi það er bara þurrkari sem stendur á bak við sílóin og þau geta verið vetrargeymsla fyrir þá bændur sem það vilja og í öðru lagi eru þau sem buffer þannig að þurrkarinn stoppi aldrei heldur losar sig við þurrt korn í sílóin og getur tekið næsta skammt sjálfvirkt í sig,“ útskýrir Haukur og bætir við að það verði þurrkað allan sólarhringinn þar til allt korn er búið. Hann segir að í þessum fyrsta fasa verði eitt stöðugildi umsjónarmanns en að öðru leiti muni bændur koma að vinnunni sjálfir. „Þetta byggist mikið á samvinnu bænda að koma þessu verkefni farsællega af stað,“ segir Haukur.
Fyrsti fasi fullfjármagnaður
Haukur segir að vel hafi tekist að fjármagna verkefnið á þessum fyrstu stigum. „Við erum með fjárfesta, bæði einstaklinga og svo sveitarfélögin á svæðinu, svo fengum við 25 milljóna fjárfestingu frá KEA. Þannig að þessi fyrsti fasi er full fjármagnaður,“ segir Haukur og bætir við að nú sé bara að auka ræktun á svæðinu. „Nú er bara að auka ræktun og rækta meira land til að auka magnið og byggja undir rekstrargrundvöllinn. Svo er þetta fimm ára plan að fara í næsta fasa sem er að fjárfesta í annarskonar þurrkara, svo kölluðum færibandaþurrkara til að þurrka gras. Það verður yfirbyggt og meiri stöð. Þá erum við að tala líka um að þurrka korn í þessari stöð sem er komin núna og einnig gras í húsinu. Þá erum við líka komnir með fullkomnari fóðurstöð til að blanda og selja fullkomnara fóður en ekki bara eitt hráefni í fóðrið sem byggið er,“ segir Haukur að lokum.
Grein þessi birtist í Vikublaðinu þann 19 sept. s.l. en vegna mistaka dróst að pósta henni á vef blaðsins.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
