Ný heimasíða Driftar EA í loftið
Viltu gerast Driftari !
Á föstudaginn 28.júní opnuðum við fyrir fyrsta hluta heimasíðu DriftarEA , www.driftea.is
Heimasíða DriftarEA hefur verið opnuð formlega og nú geta bæði fyrirtæki og einstaklingar skráð sig til þátttöku í því að byggja upp nýsköpunarsamfélagið og gerst Driftarar.
Vertu með – smelltu hér
DriftEA er sjálfstætt og óhagnaðardrifið félag sem hefur þann tilgang að byggja upp frumkvöðla- og nýsköpunarstarf á Eyjafjarðarsvæðinu. Meðal þess sem DriftEA býður upp á eru aðstaða fyrir frumkvöðla og fyrirtæki þar sem markmiðið er að stuðla að uppbyggingu og vexti á grunni nýsköpunar.DriftEA mun vinna að því að tvinna saman nýsköpun og iðandi atvinnulíf og öflugt skólasamfélag.
Helstu áherslur í starfi DriftarEA verða: Matvælaframleiðsla, líftækni, hugbúnaður í sjávarútvegi, grænar lausnir, heilbrigðis – og öldrunarmál.
Við höfum fundið fyrir miklum áhuga í samfélaginu á að taka þátt í uppbyggingu DriftarEA með okkur. Sérstaklega eftir fundinn sem haldin var 16. maí í Hofi. Lesa meira hér.
Nú höfum við opnað formlega fyrir þátttöku á heimasiðu DriftarEA. Við höfum svo samband við þá aðila sem skrá sig sem Driftari og tökum næstu skref með þeim.
Einnig opnum við fyrir skráningar í Messann. Lesa meira hér.
Það er mikilvægt að nefna það að Messinn er samskomustaður skapandi og kraftmikils fólks, fyrirtækja og fræðanets. Þar tengjast saman nýsköpun, tækni, rannsóknir og frumkvöðlar. Aðild að Messanum veitir aðgang að tengslaneti, viðburðum og vinnuaðstöðu. Þar er áhersla á að fólk, fullt af eldmóði og sköpunargleði hittist, njóti veitinga, skiptist á upplýsingum, skoðunum og fái innblástur í verkefni sín eða fyrirtæki. Meira efni kemur á heimasíðu Driftar EA í sumar og stefnum við á að hefja starfsemi í haust.
Þetta segir í tilkynningu frá Drift nú í morgun.
Nýjast
-
Barna- og unglingageðteymi Sjúkrahússins á Akureyri færist til HSN
Markmiðið með þessari tilfærslu er að efla þjónustu og samfellu í geðheilbrigðisþjónustu fyrir börn og ungmenni á Norður- og Austurlandi undir hatti HSN. -
Meirihluti bæjarráðs Akureyrar um húsnæði á Hlíð Ófært að loka tugum hjúkrunarrýma þegar bið er eftir plássum
Meirihluti bæjarráðs telur nauðsynlegt að klára eins fljótt og auðið er allar endurbætur og viðgerðir á húsnæði við Hjúkrunarheimilið Hlíð, ófært sé að loka tugum hjúkrunarrýma þegar talsverð bið er eftir plássum þar. Umræða var um stöðuna í húsnæðismálum hjúkrunarheimilisins á fundi bæjarráðs, en fram hefur komið að vegna endurbóta á húsnæði þurfti að loka rýmum og stefnir í að fleiri rými bætist þar við þannig að þau verði í allt um 30 talsins. -
„Hæ ástin, þarf að millifæra, getur þú samþykkt beiðnina?“
„Hæ ástin, þarf að millifæra, getur þú samþykkt beiðnina?“ er dæmi um skilaboð sem einstaklingur fær frá maka sínum á Facebook Messenger sem virðast saklaus þar sem óskað er eftir að samþykkja beiðni um innskráningu í heimabanka með rafrænum skilríkjum. Við treystum okkar nánustu og erum því líkleg til að fara eftir fyrirmælunum í slíkum tilfellum, án þess að velta því endilega mikið fyrir okkur. -
Ný slökkvibifreið til Norðurþings
Opið hús á slökkvistöðinni á Húsavík -
Vel miðar á Torfunefi
Á Feisbókarvegg Hafnasamlags Norðurlands er i morgun gerð stutt en afar áhugaverð grein gerð fyrir framkvæmdunum sem eru í gangi, hverng þeim miðar og hvernig ætlað er að svæðið verður að loknum framkvæmdum. -
Nýtt app fyrir Sparisjóðinn
Nú á dögunum gaf Sparisjóðurinn út nýtt app sem er þróað í samstarfi við Origo. Í Sparisjóðsappinu geta viðskiptavinir sinnt öllum helstu bankaviðskiptum á fljótlegan, einfaldan og öruggan hátt. -
Hafdís Sigurðardóttir Íslandsmeistari í götuhjólreiðum og í tímatöku 2024
Hafdís Sigurðardóttir fór ekki erindisleysu vestur i Skagafjörð um nýliðna helgi en þar fór fram Íslandsmeistaramótið í timatöku og götuhljólreiðum tvær aðskildar keppnir. Tímatakan fer þannig fram að einn keppandi er ræstur af stað í einu og er því ekki um annað að ræða en gefa allt í botn, þarna er verið að keppa við skeiðklukkuna sem fer ansi hratt áfram. Hafdís hjólaði allra kvenna hraðast og vann reyndar með nokkrum yfirburðum og er þetta í þriðja árið í röð sem hún stendur efst á palli. -
Áslaug Ásgeirsdóttir tekin við embætti rektors Háskólans á Akureyri
Áslaug Ásgeirsdóttir er frá og með deginum í dag formlega tekin við embætti rektors Háskólans á Akureyri. Eyjólfur Guðmundsson kveður nú Háskólann á Akureyri eftir farsæl tíu ár sem rektor. -
Ný heimasíða Driftar EA í loftið
Viltu gerast Driftari ! Á föstudaginn 28.júní opnuðum við fyrir fyrsta hluta heimasíðu DriftarEA , www.driftea.is Heimasíða DriftarEA hefur verið opnuð formlega og nú geta bæði fyrirtæki og einstaklingar skráð sig til þátttöku í því að byggja upp nýsköpunarsamfélagið og gerst Driftarar. Vertu með – smelltu hér
Athugasemdir