Ný fæðubótarverslun opnuð á Akureyri
Ný verslun sem sérhæfir sig í fæðubótarefnum var opnuð á Akureyri á laugardaginn var. Verslunin er á vegum einkaþjálfaranna og alþjóðadómaranna Jóhanns V. Norðfjörð og Sigurðar Gestssonar sem eiga og reka Fitness Akademíuna. Verslunin býður upp á FAST Nutrition fæðubótarefni frá Finnlandi, orkydrykki og ýmislegt fleira tengt heilsurækt. Verslunin er eina sinnar tegundar á Akureyri.
„Við höfum rekið Fitnessvefinn í um þrjú ár með góðum árangri og okkur fannst tími til kominn að opna verslun þar sem fólk getur leitað til okkar, fengið persónulega þjónustu og heilræði frá fólki sem lifir og hrærist í þessu alla daga um hvað það eigi að kaupa,“ segir Jóhann V. Norðfjörð. Hann bendir á að alltof oft sé fólk að taka inn fæðubótarefni án þess að vita almennilega hvað það er.
„Stundum eru einhver tískuefni í gangi en oft eru þessi efni ekkert að hjálpa fólki. Þá er verið að kasta peningum fyrir lítið. Einnig eru mörg fæðubótarefni í dag kynnt á þann hátt að það stenst ekki raunveruleikann. Þar af leiðandi er mikilvægt að hafa svona verslun þar sem fólk getur leitað til aðila sem vita upp hár hvað virkar og hvað ekki,“ segir Jóhann.
Próteinpönnukökur vinsælar
Vinsælustu vörurnar á hjá Fitnessvefnum og seldar eru í versluninni eru próteinpönnukökur og Celsius-orkudrykkurinn. Jóhann segir fæðubótarefnin ekki eingöngu vera fyrir fólk í vaxtarrækt og fitness.
„Margt af vörunum sem við bjóðum upp á henta öllum sem vilja tileinka sér heilbrigðari lífstíl, hvort sem það er að æfa stíft eða ekki. Próteinpönnukökurnar sem hafa slegið í gegn henta t.d. vel sem hollt millimál fyrir alla,“ segir Jóhann.
Verslunin er við Óseyri 6 og er opin alla virka daga frá kl. 17-19 og á laugardögum frá kl. 13-16.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
