13.nóvember - 20.nóvember - Tbl 46
Norðurþing vill sameiningarviðræður við Tjörneshrepp
Aðalsteinn J. Halldórsson, oddviti Tjörneshrepps telur sameiningu ekki vera tímabæra. Mynd/ Framsýn
Benóný Valur Jakobsson fulltrúi S-lista lagði til á sveitarstjórnarfundi Norðurþings í síðustu viku að Norðurþing bjóði Tjörneshreppi til formlegra viðræðna um sameiningu sveitarfélaganna.
Markmiðið með viðræðunum verði að hægt verði að kjósa um væntanlega sameiningu samhliða sveitarstjórnarkosningum í vor.
Bergur Elías Ágústssonfulltrúi B-lista lagði fram breytingatillögu: „Norðurþing bjóði Tjörneshreppi til sameiningarviðræðna.“ Var tillaga Bergs samþykkt samhljóða.
Aðalsteinn J. Halldórsson, oddviti Tjörneshrepps virtist ekki spenntur fyrir tillögunni þegar Vikublaðið náði af honum tali en sagðist þó opinn fyrir samtalinu.
„Ég var búinn að fá áður óformlegar umleitanir fyrir stuttu síðan en tel að það sé alltof stuttur tími fram að kosningum til að fara standa í þessu núna og ég veit að það er bara enginn vilji til þess í hreppnum að fara hespa þessu af á einhverjum örfáum vikum,“ segir Aðalsteinn og bætir við að hann telji ekki liggja það mikið á því að sameina sveitarfélögin.
„Það kemur ný sveitarstjórn eftir næstu kosningar, bæði hjá Norðurþingi og eins hér í Tjörneshreppi, það er bara eðlilegt að bíða með þetta þangað til. Það er þá hægt að kanna stöðuna þá hvort afstaða Tjörnesinga hafi eitthvað breyst frá því sem nú er,“ segir hann að lokum.
Nýjast
-
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“
