Norðurþing: Forseti bæjarstjórnar hættir og flytur til Akureyrar
Friðrik Sigurðsson, forseti bæjarstjórnar Norðurþings og oddviti Sjálfstæðisflokksins sem skipar meirihlutann í bæjarstjórn ásamt Vinstri grænum, hefur tilkynnt félögum sínum þar að hann muni hætta störfum sem bæjarfulltrúi á næstunni af persónulegum ástæðum.
Aðspurður sagði Friðrik að þarna réðu hagsmunir fjölskyldunnar öllu og enginn ágreiningur hefði komið upp í meirihlutanum eða bæjarstjórn sem hefði þarna áhrif nema síður væri.“Við tókum einfaldlega þá ákvörðun fjölskyldan um áramótin af sérstökum ástæðum að flytjast búferlum til Akureyrar sem við gerum svo væntanlega á vordögum. Þar verður okkar lögheimili og ef ég ætlaði því að sitja áfram í bæjarstjórn Norðurþings, þá þyrfti ég að skilja við konuna, þannig að þetta var ekki erfið ákvörðun! Og þó mér finnist gaman í stjórnmálastarfi þá vildi ég ekki fórna frúnni fyrir pólitíkina.“
Friðrik segist hinsvegar áfram starfa við Bókaverslun Þórarins Stefánssonar sem hann á og rekur og einnig sem stjórnarformaður fyrirtækisins Steinsteypis þar sem umsvif fara mjög vaxandi. „Ég mun einfaldlega keyra frá Akureyri í vinnuna á Húsavík og það verður ekkert vandamál að sinna áfram mínum störfum hér.“
Aðspurður sagði Friðrik að Norðursigling hefði verið að bera víurnar í húsnæði Bókaverslunarinnar og einnig hefði Lyfja haft samband, en engin formleg tilboð borist. „En ef ásættanlegt tilboð kemur þá gæti ég auðvitað hugsanlega flutt mig um set með búðina hér í bænum.“
Upp er komin nokkuð snúin staða hjá D-lista í sveitarstjórn Norðurþings. Þar sitja þrír fulltrúar listans og annar maður hans, Örlygur Hnefill Örlygsson hefur verið í leyfi frá störfum, fjórði maður listans, Erna Björnsdóttir hefur leyst hann af og kemur inn sem fastafulltrúi þegar Friðrik hættir. Það verður hinsvegar spurning um varamann Ernu þar sem 5. maður listans, Áki Hauksson býr og starfar í Noregi og 6. sætið skipaði Þóra Kristín Sigurðardóttir sem er við nám í Reykjavík. JS
Nýjast
-
50 ár frá Kópaskersskjálftanum á næsta ári
Fimmtíu ár verða liðin frá Kópaskersskjálftanum á næsta ári. Skjálftinn reið yfir þann 13. janúar árið 1976. Vakin var athygli á þessum væntanlegu tímamótum á fundi bæjarráðs Norðurþings nýverið. -
Margir notfæta sér frístundastyrk Akureyrarbæjar
Árið 2024 nutu 2.665 börn og unglingar á aldrinum 6-17 ára góðs af frístundastyrk Akureyrarbæjar eða tæplega 85% þeirra sem áttu rétt á styrknum sem er 1% aukning frá árinu á undan. -
Leikdómur - Söngleikurinn Ólafía
Leikverk sýnt í félagsheimilinu Breiðumýri Höfundur: Hörður Þór Benónýsson Leikstjórn: Hildur Kristín Thorstensen Tónlistarstjórn: Marika Alavere. Enn á ný er litla félagsheimilið á Breiðumýri vettvangur leiklistar og þótt húsið með sitt flata gólf henti ekkert sérstaklega vel til leiksýninga, fyrir leikhúsgestinn, vekur það furðu hversu vel húsið umfaðmar gestinn. Þar munar mestu sú stórgóða hugmynd að skapa kaffihúsastemningu með litlum hringborðum hvar gestum býðst að panta sér kaffi eða aðra drykki, vöfflur með sultu og rjóma og/eða annað góðgæti að bragða á fyrir sýningu eða í hléi. Undirritaður getur staðfest að rjómavafflan bragðaðist vel og kaffið heitt eins og kaffi á að vera. Var þessi þáttur leiksýningar þar með gulltryggður! -
Viðvaranir sendar út sólarhring eftir að svifryk fór tvöfalt yfir heilsuverndarmörk
Heilbrigðisnefnd bendir á að viðvaranir til almennings hafi ekki verið sendar út fyrr en daginn eftir að ástandið var sem verst og talsvert virðist skorta uppá samstarf bæjarins og Vegagerðarinnar um hreinsun gatna. -
Eyjafjarðarsveit og B. Hreiðarsson Samið um áframhaldandi uppbyggingu
Skrifað hefur verið undir samning milli Eyjafjarðarsveitar og B. Hreiðarsson um áframhaldandi uppbyggingu viðbyggingar við Hrafnagilsskóla og Íþróttamiðstöðina í Eyjafjarðarsveit. -
Matartækni hefur verið kennd við VMA í 18 ár
Vonir standa til að nýr námshópur í matartækni geti hafið nám við Verkmenntaskólann á Akureyri næsta haust. VMA hefur lengi menntað og útskrifað matartækna, eða í 18 ára og áætlað er að á bilinu 80 til 100 matartæknar hafi verið útskrifaðir á tímabilinu. -
Listasafnið - Hin líflátna endurreisn Úkraínu
Í dag kl. 17-17.40 heldur úkraínska listakonan Kateryna Ilchenko Þriðjudagsfyrirlestur í Listasafninu undir yfirskriftinni The Executed Renaissance of Ukraine. Í fyrirlestrinum, sem fer fram á ensku, mun hún fjalla um úkraínskt listafólk sem var uppi á árunum 1920-1930 og var beitt grimmilegri kúgun af hendi Sovétríkjanna. -
Ferðasjóður ÍSÍ hefur rýrnað frá árinu 2019
Ferðakostnaður barna og unglinga í íþrótta- og tómstundastarfi á landsbyggðinni hefur aukist á síðustu árum en framlag ríkisins fylgir ekki verðlagi og hefur því rýrnað umtalsvert. -
112 Dagurinn á Glerátorgi
Í tengslum við 112 daginn fór fram sýning i gær, sunnudaginn 18 feb.á Glerártorgi þar sem viðbragðsaðilar sýndu tæki og tól.
