Dagskráin 19. febrúar - 26. febrúar Tbl 7
Viðvaranir sendar út sólarhring eftir að svifryk fór tvöfalt yfir heilsuverndarmörk
Upplýsingar úr lofgæðamælum sem bærinn setti upp í desember 2022 hafa enn ekki verið gerðar aðgengilegar almenningi. Mynd akureyri.is
Heilbrigðisnefnd Eyjafjarðar leggur áherslu á að takmörkun svifryks er mikilvægt lýðheilsumál sem nauðsynlegt er að taka föstum tökum og harmar hve takmarkaður árangur hefur náðst í því máli á Akureyri. Nefndin ræddi svifryk á Akureyri á fundi nýverið og var m.a. bent á að þann 10. desember síðastliðinn mældist hæsti svifrykstoppur við Hof á Akureyri 416 µg/m³ og sólarhringsmeðaltalið rúmlega 109 µg/m³. Sólarhringsmeðaltalið var því meira en tvöfalt yfir heilsuverndarmörkum og hæstu gildi mældust meira en áttfalt yfir mörkum.
Ekki unnið samkvæmt verklagsreglum nema að litlu leyti
Í kjölfar þessarar miklu svifryksmengunar sendi HNE fyrirspurn til Akureyrarbæjar varðandi verklagsreglur bæjarins um loftmengun utandyra og vinnu samkvæmt þeim. Af svari Akureyrarbæjar má ráða segir í fundargerð, að ekki sé unnið samkvæmt verklagsreglunum nema að litlu leyti.
Tilraunir með notkun á mangesíumklóríð til rykbindingar eru ekki hafnar en þær áttu samkvæmt áætluninni að hefjast núna í vetur. Upplýsingar úr lofgæðamælum sem bærinn setti upp í desember 2022 hafa enn ekki verið gerðar aðgengilegar almenningi en verklagsreglurnar gerðu ráð fyrir að því að svo yrði snemma árs 2024.
Heilbrigðisnefnd bendir á að viðvaranir til almennings hafi ekki verið sendar út fyrr en daginn eftir að ástandið var sem verst og talsvert virðist skorta uppá samstarf bæjarins og Vegagerðarinnar um hreinsun gatna. Takmörkun svifryks sé mikilvægt lýðheilsumál sem nauðsynlegt er að taka föstum tökum og harmar hve takmarkaður árangur hefur náðst í því máli á Akureyri.
Óviðunandi að ekki sé gripið til aðgerða
„Mikilvægt er að veghaldarar sinni viðhaldi, þrifum og rykbindingu eins og til er ætlast og gert er ráð fyrir í fyrirliggjandi verklagsreglum. Það er óviðunandi að upp komi aðstæður sem teljast verði heilsuspillandi, eins og gerðist t.d. þann 10. desember sl., án þess að gripið sé til viðeigandi aðgerða. Jafnframt er hvatt til að niðurstöður mælinga úr svifryksmælum sem settir voru upp á árinu 2022 verði gerðar aðgengilegar almenningi og að unnið verði skv. fyrirliggjandi verklagsreglum, bæði þegar fyrirsjáanlegt er að mengun verði mikil og út frá niðurstöðum mælinga.“
Nýjast
-
Akureyrarbær hefur staðfest endurskoðun á húsnæðisáætlun fyrir árið 2025
Akureyrarbær hefur staðfest endurskoðun á húsnæðisáætlun sveitarfélagsins fyrir árið 2025. Spáð er að íbúum sveitarfélagsins fjölgi um 2.358 manns á næstu tíu árum, sem er 11,6 prósent aukning. Til samanburðar hefur íbúum í sveitarfélaginu fjölgað um 1.169 frá árinu 2020 eða um 6 prósent og því er spá Akureyrarbæjar eilítið varfærnari en hefur raungerst síðastliðin ár segir á vef Húsnæðis- og mannvirkjastofnunar. -
Reykjavík er höfuðborg okkar allra
Við undirrituð, bæjar- og sveitarstjórar á Íslandi, mótmælum öll lokun annarrar af tveimur flugbrautum Reykjavíkurflugvallar með tilheyrandi skerðingu á þjónustu og ógn við innanlandsflug sem þar af hlýst. -
50 ár frá Kópaskersskjálftanum á næsta ári
Fimmtíu ár verða liðin frá Kópaskersskjálftanum á næsta ári. Skjálftinn reið yfir þann 13. janúar árið 1976. Vakin var athygli á þessum væntanlegu tímamótum á fundi bæjarráðs Norðurþings nýverið. -
Margir notfæta sér frístundastyrk Akureyrarbæjar
Árið 2024 nutu 2.665 börn og unglingar á aldrinum 6-17 ára góðs af frístundastyrk Akureyrarbæjar eða tæplega 85% þeirra sem áttu rétt á styrknum sem er 1% aukning frá árinu á undan. -
Leikdómur - Söngleikurinn Ólafía
Leikverk sýnt í félagsheimilinu Breiðumýri Höfundur: Hörður Þór Benónýsson Leikstjórn: Hildur Kristín Thorstensen Tónlistarstjórn: Marika Alavere. Enn á ný er litla félagsheimilið á Breiðumýri vettvangur leiklistar og þótt húsið með sitt flata gólf henti ekkert sérstaklega vel til leiksýninga, fyrir leikhúsgestinn, vekur það furðu hversu vel húsið umfaðmar gestinn. Þar munar mestu sú stórgóða hugmynd að skapa kaffihúsastemningu með litlum hringborðum hvar gestum býðst að panta sér kaffi eða aðra drykki, vöfflur með sultu og rjóma og/eða annað góðgæti að bragða á fyrir sýningu eða í hléi. Undirritaður getur staðfest að rjómavafflan bragðaðist vel og kaffið heitt eins og kaffi á að vera. Var þessi þáttur leiksýningar þar með gulltryggður! -
Viðvaranir sendar út sólarhring eftir að svifryk fór tvöfalt yfir heilsuverndarmörk
Heilbrigðisnefnd bendir á að viðvaranir til almennings hafi ekki verið sendar út fyrr en daginn eftir að ástandið var sem verst og talsvert virðist skorta uppá samstarf bæjarins og Vegagerðarinnar um hreinsun gatna. -
Eyjafjarðarsveit og B. Hreiðarsson Samið um áframhaldandi uppbyggingu
Skrifað hefur verið undir samning milli Eyjafjarðarsveitar og B. Hreiðarsson um áframhaldandi uppbyggingu viðbyggingar við Hrafnagilsskóla og Íþróttamiðstöðina í Eyjafjarðarsveit. -
Matartækni hefur verið kennd við VMA í 18 ár
Vonir standa til að nýr námshópur í matartækni geti hafið nám við Verkmenntaskólann á Akureyri næsta haust. VMA hefur lengi menntað og útskrifað matartækna, eða í 18 ára og áætlað er að á bilinu 80 til 100 matartæknar hafi verið útskrifaðir á tímabilinu. -
Listasafnið - Hin líflátna endurreisn Úkraínu
Í dag kl. 17-17.40 heldur úkraínska listakonan Kateryna Ilchenko Þriðjudagsfyrirlestur í Listasafninu undir yfirskriftinni The Executed Renaissance of Ukraine. Í fyrirlestrinum, sem fer fram á ensku, mun hún fjalla um úkraínskt listafólk sem var uppi á árunum 1920-1930 og var beitt grimmilegri kúgun af hendi Sovétríkjanna.
