20. nóvember - 27. nóvember - Tbl 47
Nokkur orð um afmælisþátt Akureyrar á Rás 2
Hjörleifur Hallgríms.
S.l laugardag var þáttur á Rás 2 sem tileinkaður var 158 ára afmæli Akureyrarkaupstaðar og var þáttastjórnandinn Gígja Hólm geirsdóttir sem stóð sig nokkuð vel miðað við það að hún er ekki Akureyringur og án þess að á hana sé hallað hefði e.t.v. verið betra í þessu tilfelli að hafa reynda akureyrska þáttastjórnendur. Vil ég þar til nefna Gest Einar eða Margréti Blöndal sem bæði er hér hagvön fædd og uppaldir Akureyringar og muna tímana tvenna hér heima.
Ég verð að minnast á sterka innkomu í þáttinn þegar Skapti Hallgrímsson ágætur blaðamaður sagði frá útkomu bókar sinnar um um tónlistarlíf á Akureyri fyrr og nú. Enn er mönnum óskiljanlegt hvers vegna þeim ágæta blaðamanni var sagt upp hjá Mbl. á sínum tíma. Þá er vert að minnast á þátt Vandræðaskáldanna sem áttu góða innkomu að vanda og hlakka ég til að sjá Villa Bergmann í nýju starfi á N4.
Einnig hlýt ég að minnast á viðtalið við ekkju Þorvaldar heitins Þorsteinssonar hins víðfræga akureyrska listamanns, sem var greinargott og upp byggjandi samtal. Ég verð að viðurkenna að ég er mjög mikill Akureyringur í mér enda fæddur hér og uppalinn og í þokkabót Innbæingur. En svo ég komi að tónlistaratriðum þáttarins, þá finnst mér og fleirum í eldri kantinum sem ég hef talað við og mörg okkar náð kannski allt að því hálfum aldri á við afmælisbarnið og munum eftir mörgu skemmtilegu frá fyrri tíma og þá ekki síst hvað tónlist og dansleikjahald varðar og þá kemur óneitanlega upp í hugann Sjallinn og stórhljómsveit Ingimars Eydal með stókostlegum söngvurum þeirrar hljómsveitar.
Upphafsstefumrædds þáttar var með Villa Naglbít, sem gjarnan gumar af því að vera Akureyringur en er það ekki, en þarna hefði ég viljað fá að heyra í t.d Hvanndalsbræðrum, Óskari Péturssyni eða stór söngvara num og Akureyringnum Kristjáni Jóhannssyni. Hvað annan tónlistarflutning í þættinum varðar hefði verið ánægjulegra að heyra Bjarka Tryggvason syngja „Í sól og sumaryl“ og Vilhjálm Vilhjálmsson syngja „Vor í Vaglaskóg“ og báðir með stórhljómsveit Ingimars Eydal, sem mér fannnst mega koma sterkar inn í þættinum og einnig með drottningu dægurlagana Helenu Eyjólfs dóttur með sínum „Hvítu mávum“.
Ekki get ég lokið við þessi skrif án þess að minnast á einn en góðan, sem gerði garðinn frægan en það er fyrrum góður vinur Óðinn heitinn Valdemarsson í honum hefði ég viljað heyra taka „Á Akureyri“ með sinni hljóm miklu og sterku rödd svo ég tali nú ekki um lagið, sem hann gerði lands frægt og hljómar á velflestum knattspyrnuleikjum a.m.k. en það er auðvitað „Ég er kominn heim“ eða „ Er völlur grær“. Ég verð að taka það fram hér að ég er á engan hátt að ríra feril ungrar ágætrar söng konu Ránar Ringsted en hún stóð sig vel í laginu „Á Akureyri“ og virðist vera á uppleið og segi ég þetta af því að sjálfur var ég ofurlítið í söngnámi á mínum yngri árum.
-Hjörleifur Hallgríms
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
