Dagskráin 18.desember - 8.janúar 2025
Nemendur í Grenivíkurskóla styrkja Velferðarsjóð
Herdís með nemendum miðstigs í Grenivíkurskóla en þau afhentu 430 þúsund krónur í Velferðarsjóð Eyjafjarðar í dag.
mth@vikubladid.is
„Þetta er alveg frábært framtak. Auðvitað erum við þakklát fyrir alla styrki, en það er eitthvað alveg sérstakt við þetta. Flottir krakkar með flott verkefni!“ segir Herdís Helgadóttir formaður Velferðarnefndar Eyjafjarðar
Krakkar á miðstigi í Grenivíkurskóla, í 5. 6. og 7. bekk afhentu sjóðnum 430 þúsund krónur í Glerárkirkju á Akureyri í morgun. Þeir unnu að verkefni nú í haust sem snérist um að skrifa bækur undir leiðsögn kennara sinna, hver nemandi skrifaði eina bók. Þegar bækurnar voru til var opnuð bókabúð og bækurnar boðnar til sölu. Bókaútgáfan var kölluð Þengilhöfði.
Verkefnið reyndi á ritun, stafsetningu, málfræði, hönnun, umbrot, bókhald, markaðssetningu, framsögu, samskipti, samvinnu, sagnfræði, bókmenntir, myndmennt, upplýsingatækni og ýmislegt fleira. Það hlaut styrk út sprotasjóði Rannís.
Herdís Helgadóttir formaður Velferðarsjóðs Eyjafjarðar og Ari Logi nemandi í Grenivíkurskóla sem afhenti styrkinn.
Yfir 500 umsóknir
Herdís segir að féð komi sér mjög vel, en yfir 500 umsóknir bárust um aðstoð úr Velferðarsjóði nú fyrir jólin. „Nú erum við að hnýta síðustu hnútana og jólaúthlutun að ljúka. Við þurfum hins vegar að safna fé fyrir allt árið, fólk óskar aðstoðar líka aðra mánuði ársins. Neyðin hefur því miður aukist og við vonum svo sannarlega að fólk leggist á árar með okkur þannig að hægt verði að veita aðstoða allt næsta ár,“ segir hún.
Nýjast
-
Nýting glatvarma frá TDK hafin
Þau gleðilegu tíðindi áttu sér stað þann 13. desember síðastliðinn að glatvarmi frá álþynnuverksmiðju TDK nýttist í fyrsta sinn inn á kerfi Norðurorku og verður varmavinnslan tröppuð upp hægt og rólega. -
Nýju kirkjutröppurnar opnaðar
Nýju kirkjutröppurnar verða opnaðar sunnudaginn 22. desember kl. 16. Að lokinni hátíðlegri athöfn er bæjarbúum boðið í skrúðgöngu upp að Akureyrarkirkju. Öll eru hjartanlega velkomin! -
Nemendur í Grenivíkurskóla styrkja Velferðarsjóð
Krakkar á miðstigi í Grenivíkurskóla, í 5. 6. og 7. bekk afhentu sjóðnum 430 þúsund krónur í Glerárkirkju á Akureyri í morgun. Þeir unnu að verkefni nú í haust sem snérist um að skrifa bækur undir leiðsögn kennara sinna, hver nemandi skrifaði eina bók. -
,,Nú tæknin geggjuð orðin er”
Það má nokkuð víst telja að kynni kynbótahrúturinn Kolbeinn frá Grobbholti magnaðan texta Ómars Ragnarssonar sem hann orti fyrir mörgum áratugum og nefndi Árið 2012 væri Kolbeinn að jarma þennan brag, liklega ólundarlega. Vilhjálmur Vilhjálmsson flutti þennan texta listavel og sannfærandi. -
Skrifuðu undir samninga um óstaðbundin störf
Fyrstu samningarnir um óstaðbundin störf á landsbyggðinni voru undirritaðir á Húsavík á dögunum. Annars vegar er um ræða starf sem staðsett verður í húsnæði Sýslumannsins á Húsavík og hins vegar starf sem staðsett verður í vinnustaðaklasanum Útibúinu á Hvammstanga. -
Fjárhagsáætlun Þingeyjarsveitar 2025 samþykkt
Fjárhagsáætlun Þingeyjarsveitar fyrir árið 2025 og þriggja ára áætlun fyrir árin 2026-2028 var lögð fram til síðari umræðu á sveitarstjórnarfundi þann 12. desember og samþykkt. Fjárhagsáætlunin er sett fram í samræmi við 62. gr. sveitarstjórnarlaga nr. 138/2011, fyrir A-hluta og samantekinn reikning fyrir A- og B-hluta. Fyrri umræða fór fram þann 28. nóvember. -
Kalt svæði
Við, sem ekki ólumst upp við gæði hitaveitunnar, deilum ýmsum svölum minningum og lífsreynslu sem aðrir skilja ekki. Heitt vatn var takmörkuð auðlind, magnið sem hitadúnkurinn innihélt kólnaði við notkun og tók nokkra klukkutíma að hitna aftur. Það þýddi ekkert fyrir fjölskylduna í Höfða að drolla í sturtunni og líkamsþvottur heimilismanna var skipulagður út í ystu æsar. -
Höldum eldsvoðalaus jól
Jólin eru handan við hornið og landinn þeysist milli staða í erindagjörðum sem hafa þann tilgang að okkur líði vel yfir hátíðarnar. En við megum ekki gleyma einu í tengslum við hátíð ljóss og friðar – brunavörnum. -
Aðalfundur GA var haldinn 14. desember s.l.
Þann 14. desember síðastliðinn var haldinn aðalfundur Golfklúbbs Akureyrar fyrir rekstrarárið 2024. Mjög vel var mætt, það voru tæplega 100 manns á fundinum. Á fundinum voru hefðbundin aðalfundarstörf og eftir fundinn var nýja inniaðstaðan okkar á Jaðri formlega opnuð. , Það var Halldór M. Rafnsson, heiðursfélagi GA, ásamt Huldu Bjarnadóttur, forseta GSÍ, sem klipptu á rauða borðan íáður en gestir fengu að sjá dýrðina og gæddu sér síðan á snittum og drykkjum að því loknu.
