20. nóvember - 27. nóvember - Tbl 47
Mygla í skólum bæjarins
Helga Dögg Sverrisdóttir.
Sá vágestur sem við nefnum mygla hefur látið að sér kræla í skólum bæjarins. Reyndar er það ekki á vitorði allra því forsvarsmenn virðast vilja halda því leyndu. Fyrir hvern er ekki vitað. Í það minnsta upplifir skólafólk og foreldrar það þannig. Mygla er vandamál í mörgum byggingum, þar á meðal skólum. Við höfum fylgst með umræðu um skóla á höfuðborgarsvæðinu þar sem illa gengur að ráða við þennan vágest. Afleiðingarnar í sumum tilfellum skelfilegar fyrir heilsu barns.
Miklu hefur verið tilkostað vegna Kórónuveirunnar og menn forðast smit. Sem betur fer veiran mjúkum höndum um börn, annað en mygla. Mörg börn líða fyrir myglu með alls konar einkennum og tímabært að opna augun fyrir því.
Í skólahúsnæði eru bæði börn og fullorðnir. Menn eru misnæmir fyrir myglu. Sumir finna lítið fyrir henni á meðan aðrir eru með einkenni, eins og kvef, nefrennsli, höfuðverk, liðverki o.s.frv. Mygla getur leitt til örorku sé íhlutun ekki snemmtæk. Undrast má að það taki mörg ár að fá áheyrn þar til bærra yfirvalda um að myglu sé að finna í skólahúsnæði. Þegar kvörtum um slíkt kemur eigi skólayfirvöld að einhenda sér í verkið, finna út hvort um myglu sé að ræða og ráðast í aðgerðir til að vernda starfsfólk og nemendur. Yfirvöld eiga ekki að draga orð starfsmanna eða foreldra í efa eða gera þau tortryggilega.
Í bókinni Martröð um myglu eftir Stein Kárason (2017) er rætt við fólk sem hefur mátt þola veikindi vegna myglu. Mismikil veikindi og einkenni. Í kynningu bókarinnar segir ,,Veikindi og heilsutjón af völdum myglusveppa eru samfélagslegt böl sem nauðsynlegt er að koma í veg fyrir. Fjárhagslegt tjón er verulegt. Fræðsla um orsakir og afleiðingar af völdum myglusveppa er nauðsyn. Þar til bærir aðilar þurfa að sýna ábyrgð. Hönnun húsa, byggingaraðferðir, ábyrgð og eftirlit með húsbyggingum er höfuðatriði til að koma í veg fyrir myglutjón, einnig viðhald og umgengni fólks í húsum og híbýlum. Löggjöf og viðurlögum í þessum efnum er ábótavant.“
Skólayfirvöld verða að sýna ábyrgð þegar kemur að myglu í skólahúsnæði. Heilsa er ekki metin til fjár. Langtímaveikindi starfsmanna eða nemenda er ekki óskastaða nokkurs. Foreldrar þurfa að fylgjast vel með viðbrögðum barna sem fá kennslu í húsnæði þar sem mygla er. Takið eftir hvort einkenni hverfi þegar barnið fer út úr skólanum og alls ekki þegja um það.
Þegar mygla kemur upp í skólahúsnæði á að halda öllum vel upplýstum, starfsmönnum, nemendum og foreldrum. Mygla í skólahúsnæði á ekki að vera leyndarmál og ekki á að draga úr áhrifum hennar.
-Helga Dögg Sverrisdóttir, grunnskólakennari og trúnaðarmaður
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
