Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala
„Því fer fjarri að sú sé reyndin í dag og það sem verra er að þjónustan hefur verið að dragast saman á undanförnum misserum,“ segir í ályktun sem fundarmenn á SAk sendu frá sér að loknum fundi með nokkrum af þingmönnum Norðaustur kjördæmis. Hvatti fundurinn þingmenn í kjördæminu til að standa vörð um sjúkrahúsið þannig að því verði gert kleift að sinna lögbundnu hlutverki sínu.
Fjárlög séu í takt við hlutverkið
Fundurinn fór fram með yfirskriftinni „Mikilvægasta heilbrigðisstofnunin.“ Fimm þingmenn mættu til fundarins. Hildigunnur Svavarsdóttir forstjóri SAk brýndi fyrir þingmönnum mikilvægi þess að sjúkrahúsið geti starfað samkvæmt lögum, en ekki sé mögulegt að halda uppi starfsemi innan fjárlaga án þess að takast á við töluverða skerðingu sem sé mikið áhyggjuefni.
Læknafélag Íslands hefur lengi haft áhyggjur af stöðu Sjúkrahússins á Akureyri og gaf á liðnu hausti út ályktun þar sem stjórnvöld eru hvött til að tryggja fjárveitingar SAk svo hægt verði að styrkja faglega stöðu sjúkrahússins sem varasjúkrahús landsins.
Á fundinum ítrekaði starfsfólk að fjárlög yrðu að vera í takt við það hlutverk sem SAk væri ætlað samkvæmt lögum. Bent var á að mannfjöldi á svæðinu hefði aukist og fjöldi ferðamanna færi vaxatandi, en innviðir hefðu ekki verið byggðir upp í samræmi við það.
Fjölmargt ekki lengur í boði nyðra
Þá kom fram á fundinum að ýmis sérfræðiþjónusta sem áður var við SAk sé ekki lengur í boði. Þar má nefna erfðaráðgjöf, lungnalækningar, augnlækningar, húðlækningar, innkirtlalækningar, inngrip myndgreiningadeildar og lýtalækningar. Auk þess aðrar sérgreinar eins og geðlækningar, barna- og unglingageðlækningar, skurð-, endurhæfinga- og öldrunarlækningar sem eru í verulegri hættu vegna skorts á fjármagni og sérhæfðum læknum.
Í raun um bruðl að ræða
Árlega þurfa mörg þúsund manns af upptökusvæði SAk að leita sér lækningar til Reykjavíkur þar sem þjónusta er einungis í boði á höfuðborgarsvæðinu, ýmist á Landspítala eða hjá sérfræðilæknum með samning við Sjúkratryggingar Íslands. „Þetta fer gegn réttindum sjúklinga til þjónustu í heimabyggð,“ segir í frásögn af fundinum á vefsíðu SAk. Jafnframt var bent á að illa væri farið með fjármagn og í raun væri um bruðl að ræða.
Þá var bent á að hægt væri að efla þjónustu dag- og göngudeild SAk fengist til þess fjármagn sem myndi koma til móts við samfélagið draga úr bruðli. Sem dæmi hefur SAk sett upp þjónustulíkan í krabbameinslækningum sem reynst hefur vel.
Það felst í að í stað þess að senda vikulega um 50 sjúklinga ásamt fylgdarmanni suður til Reykjavíkur fær SAk einn krabbameinslæknir norður í tvo til þrjá daga í viku til að sinna þeim sjúklingahópi í samvinnu við hjúkrunarteymi SAk.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
