30. október - 6. nóember - Tbl 44
Mjög brýnt að hringtorgið komist sem allra fyrst í framkvæmd
Mjög brýnt þykir að hringtorg á gatnamótum Hringvegar og Eyjafjarðarbrautar eystri komist sem allra fyrst í framkvæmd.“
Sveitarstjórn Eyjafjarðarsveitar hefur undanfarin tvö ár beitt sér fyrir því að hringtorg verið gert á gatnamótum Hringvegar og Eyjafjarðarbrautar eystri. Sveitarstjórinn segir ánægjulegt að bæjarstjórn Akureyrar hafi einnig bent á mikilvægi hringtorgs á þessum stað.
Finnur Yngvi Kristinsson sveitarstjóri í Eyjafjarðarsveit segir að um verulega mikilvægt öryggismál sé að ræða. „Nú þegar eru þessi gatnamót hættuleg, umferð er mikil og þegar hefur orðið þar fjöldi slysa. Umhverfið kallar ekki endilega á það að ökumenn haldi hámarkshraðanum miðað við leyfilegan hámarkshraða á svæðinu. Fyrirhugað hótel skammt frá mun síðan auka enn meira á umferðina inn á og af Eyjafjarðarbraut eystri og er því orðið mjög brýnt að hringtorgið komist sem allra fyrst í framkvæmd.“
Framhald á stígagerð veltur á ákvörðun um hringtorgið
Finnur nefnir einnig að áframhald hjóla- og göngustígs Skógarböðunum sé háð ákvörðun um það hvort þarna verði hringtorg
Sveitarfélagið hafi ekki geta haldið áfram með hönnun á stígnum en meginforsenda legu hans er háð því hvar hann þverar veginn. Með tilkomu hringtorgs verði mögulegt að komast yfir á öruggan máta í umferð sem er komin á lágmarkshraða. Upphaflega var gert ráð fyrir að stígurinn færi áfram norðan við þjóðveg norðaustur fyrir afleggjara Skógabaðanna þar sem stígurinn færi undir veginn og til baka í átt til Skógarbaðanna. „Því er ómögulegt að halda uppbyggingu áfram fyrr en forsendur liggja fyrir,“ segir Finnur og að sveitarfélagið hafi veriðvongott um að svör fengjust fyrr ,en gert var ráð fyrir stígnum á fjárhagsáætlun ársins 2023. Aftur er gert ráð fyrir honum á árinu 2024 „og bindum við vonir við að forsendur liggi fljótt fyrir svo hægt sé að hefja hönnun og undirbúning á verkefninu.“
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
