30. október - 6. nóember - Tbl 44
Mikilvægt að koma upp fjölskylduhúsi á Akureyri
Akureyri
,,Ég tel mjög mikilvægt að komið verði á laggirnar fjölskylduhúsi á Akureyri Með þess konar úrræði er hægt að grípa mun fyrr inn í einstök mál barna í viðkvæmri stöðu, fjölga úrræðum og bæta þá þjónustuna. Með þessu úrræði væri einnig í einhverjum tilvikum hægt aðkoma í veg fyrir að grípa þurfi til lengri vistunar eða meðferðar,“ segir Hulda Elma Eysteinsdóttir formaður Velferðarráðs á Akureyri.
Tilkynningum um vanrækslu og áhættuhegðun barna til Barnaverndarþjónustu Eyjafjarðar hefur fjölgað talsvert undanfarin misseri. Vistanir barna utan heimilis í ár eru nú orðnar tuttugu fleiri en þær voru í fyrra. „Við sjáum barnaverndina þenjast út á milli ára og ein helsta skýringin á því er sú að fleiri þung mál eru inni í kerfinu um þessar mundir en verið hefur og þá hefur málum einnig fjölgað lítillega,“ segir Hulda Elma.
Það sem af er ári hafa um 60 börn verið vistuð utan heimilis í fóstri eða vistun til skemmri og lengri tíma og segir hún að þá séu ótalin þau skipti sem börn hafi verið vistuð til skemmri tíma á einkaheimilum í því skyni að vinda bráðan bug á aðstæðum sem upp hafi komið. „Þetta eru sláandi tölur en ég bind vonir við að um tímabundið ástand sé að ræða.“
Miðholt hefur reynst mjög vel
Hulda Elma segir að um skeið hafi verið rekið á Akureyri greiningar- og þjálfunarvistun í heimahúsi, undir heitinu Miðholt. Hjón reka þá starfsemi í samstarfi við barnaverndina „Það úrræði hefur reynst okkur mjög vel og viljum við gjarnan að hægt sé að senda fleiri börn í slíkt úrræði,“ segir hún „ en færri hafa komist að en þurfa“.
Umræður um fjölskylduhús á Akureyri hefur verið á lofti um nokkurra ára skeið og segir Hulda Elma að nú séu viðræður hafnar við ráðuneytið um mögulega þátttöku ríkisins í því verkefni. Málið sé brýnt, en samtalið sé á byrjunarstigi, „en ég vonast til að það verði unnið hratt og vel áfram,“ segir hún.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
