Mikið álag einkenndi starfsemi Sjúkrahússins á Akureyri á liðnu ári
Rúmlega 4% fleiri dvalardagar voru á Sjúkrahúsinu á Akureyri á liðnu ári samanborið við árið 2022, en þeir voru tæplega 29.500 í fyrra.
Mikið álag hefur verið á legudeildum og rúmanýting hefur aukist töluvert. Þannig var rúmanýting á lyflækningadeild 100,4% í fyrra en ríflega 89% árið á undan. Á skurðdeild var nýtingin 96,2% en 89% árið 2022. Einnig hefur álag á geðdeild verið mikið og rúmanýting þar 84,3% samanborið við um 75% árið þar á undan.
Aukin innlögn 75 ára og eldri
Um 13% aukning var í bráðakomum einstaklinga 75 ára og eldri síðan fyrir Kóvid með tilheyrandi aukningu þessa aldurshóps í innlögn á deildir SAk að því er fram kemur í starfsemistölum fyrir liðið ár. Þar segir einnig að 6,4 einstklingar esm búnir eru í meðferð séu að meðaltali inniliggjandi á sjúkrahúsinu að bíða eftir endurhæfingu eða plássi á hjúkrunarheimili.
Rúmlega 10.500 einstaklingar fengu þjónustu á göngudeild, þar af 2.273 vegna krabbameinslyfjagjafar samanborið við 2.180 í fyrra en þar er um 5% aukingu að ræða milli ára.
Á bráðamóttöku og göngudeild bráðamóttöku er fjöldi samskipta rúmlega 17.900 samanborið við 16.558 á sama tíma í fyrra og því aukningin milli ára rúmlega 8%.
Skurðaðgerðir á árinu voru 2.598 og er 33,4% aðgerða bráðaaðgerðir.
Gerviliðaaðgerðir voru 330 sem er aðeins undir áætlun ársins.
Fjöldi myndgreiningarrannsókna, án brjóstamynda var um 40.300 sem gerir að meðaltali um 110 rannsóknir á dag.
Rannsóknir á rannsóknadeild voru 282 þúsund talsins á liðnu ári en þar af voru framkvæmd 269 PCR Kóvidpróf
Mikið var um ferðamenn á liðnu ári og er 27% aukningi milli ára í komum ósjúkratryggðra á bráðamóttöku. Að sama skapi er fjöldi innlagðra svipaður og í fyrra en með áberandi toppi yfir sumarmánuðina.
Á árinu voru um 6% færri fæðingar en árið á undan, árið 2023 fæddust 410 bönr samanborið við 436 börn árið á undan.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
