20. nóvember - 27. nóvember - Tbl 47
Metfjöldi umsókna um sérnámsgrunnstöður hjá Sjúkrahúsinu á Akureyri
Þrjátíu sérnámsgrunnslæknar sóttu um pláss á Sjúkrahúsinu á Akureyri fyrir námsárið 2024-2025.
Alls sóttu 30 sérnámsgrunnslæknar um pláss á Sjúkrahúsinu á Akureyri fyrir námsárið 2024-2025
Sérnámsgrunnsárið er fyrsti hluti formlegs sérnáms lækna á Íslandi og tími reynslu og náms fyrir nýútskrifaða lækna. Starfstöðvarnar eru samþykktar af mats- og hæfisnefnd sem fullgildar námsstöðvar. Nú stendur yfir vinna við niðurröðun vegna umsókna sérnámsgrunnslækna fyrir árin 2024-2025. Alls sóttu 30 sérnámsgrunnslæknar um pláss á SAk og er það metfjöldi umsókna.
„Við höfum síðustu ár unnið markvisst að því að laða að sérnámslækna og sérnámsgrunnslækna. Til að mynda létum við gera kynningarmyndbönd sem við höfum notað í tengslum við viðburði og vísindaferðir og sýnt á Læknadögum. Þar reyndum við að gefa námslæknum innsýn inn í daglegt starf á SAk og segja frá lífsgæðum á Akureyri, en eins og við öll vitum sem hér búum að hér er allt til alls, frábær tækifæri til útivista og stutt í allt,“ segir Laufey Hrólfsdóttirdeildarstjóri mennta- og vísindadeildar.
Hér má sjá kynningarmyndböndin fyrir sérnám- og sérnámsgrunn á SAk: https://www.youtube.com/playlist?list=PLOJNW9nwalTRr419z2GO1yTONygZQ0cG5
Mennta- og vísindadeildin hefur skipulagt kynningu fyrir verðandi sérnámsgrunnslækna á haustin þar sem boðið er í mat og drykk og námstækifærin á SAk kynnt. Hannes Petersen kennslustjóri á SAk hefur séð um kynninguna: „SAk býður læknum og læknanemum hæfilega stórt starfsumhverfi þar sem þeir geta nálgast fjölbreytt viðfangsefni undir góðri handleiðslu. Á sama tíma fá þeir gnótt af tækifærum til að stíga sín eigin spor á öruggan hátt.“
Viðbótarkjör
Sjúkrahúsið býður góð kjör og reynir að aðstoða námslækna við að finna húsnæði. „Við bjóðum upp á ákveðin viðbótarkjör eins og húsnæðisstyrk, flutningsstyrk og fasta yfirvinnu fyrir sérnámslækna og sérnámsgrunnslækna sem taka tímabil á SAk. Við vitum að það getur verið erfitt að flytja sig um set og viljum því styrkja námslækna sem hafa áhuga á því að koma norður.“ segir Laufey að lokum.
Frá þessu segir á vef SAk.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
