20. nóvember - 27. nóvember - Tbl 47
Meindýraeyðir gaf út dánarvottorð á rottuna í Hrísey
Árni Logi Sigurbjörnsson ásamt hjónunum úr Kálfaskinni. Mynd/aðsend.
Fyrir 30 árum síðan útrýmdi Árni Logi Sigurbjörnsson, meindýraeyðir rottum í Hrísey, á Hauganesi og Árskógssandi. Af því tilefni kom hann út í eyju á dögunum og með í för voru hjónin úr Kálfskinni á Árskógsströnd, Sveinn Jónsson og Ása Marínósdóttir.
Sveinn var oddviti Árskógshrepps þegar Árni eyddi öllum rottum úr eynni. Árni Logi kom ekki tómhentur heldur hafði hann meðferðis „dánarvottorð“ rottunnar sem hann hafði rammað inn. Því var komið fyrir á hákarlasafninu í Hrísey, í húsi Hákarla-Jörundar.
„Sveinn vinur minn var búinn að tala um þetta við mig. Hann var búinn að marg minna mig á það hvort ég ætlaði ekki að koma út í Hrísey og gefa út dánarvottorð. Svo var ég að skoða gamlar dagbækur og rak þá augun í að 30 ár eru liðin síðan ég eyddi rottunum í Hrísey. Ég safnaði saman myndum sem ég tók á þessum tíma og útbjó þetta fína dánarvottorð og fannst tilvalið að koma þessu fyrir á Hákarlasafninu,“ segir Árni Logi í samtali við Vikublaðið.
„Sveinn var oddviti á þessum tíma og var allt í öllu. Hann var líka með stórt bú og það var allt fullt af rottum hjá honum í fjósinu. Ég hafði aldrei séð það áður að rotta væri svo skæð að hún nagaði sig í gegnum vatnsheldan krossvið. Þær fóru bara í gegnum hann eins og oststykki,“ segir Árni Logi ennfremur.
Rotturnar sofnuðu á staðnum
Árni Logi var með sérstaka blöndu sem hann notaði á rotturnar og náði þessum góða árangri enda hefur ekki orðið vart við rottu í Hrísey á þessum 30 árum. „Ég hafði efni sem heitir fenemal og var notað til að eyða vargfugli. Svo var það bannað vegna þess að hundar og kettir áttu það til að fara í þetta og varð illt af því. Ég byrjaði bara á að gefa rottunum góðan mat, fann út hvað þeim fannst best og síðan hrærði ég efninu saman við matinn. Það virkaði svo vel að þær sofnuðu bara á staðnum og ég gat tínt þær upp í poka,“ útskýrir Árni Logi.
Það sem rottunum fannst best að éta var kjötsag og hrossamör. „Hrossamörin er svo feit að þegar ég blanda þessu saman með kjötsagi, þá frysti ég þetta í hálfgerðar kökur og bar þetta út allt árið,“ segir Árni Logi og bætir við að starfsmenn sveitarfélaganna hafi borið blönduna út með honum. „Það vildu allir losna við rottuna. Þetta var bara yfirlega og svo þurfti að passa að það væri alltaf nóg efni.“ Árni Logi eyddi ekki aðeins rottum í eyjunni heldur tók hann minkinn í leiðinni. „Það voru þrír minkar í eyjunni, tvær læður og karlminkur. Ég tók aðra læðuna í bogagildru en skaut hina minkana.“
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
