20. nóvember - 27. nóvember - Tbl 47
Matargafir aðstoðuðu yfir 200 fjölskyldur fyrir jólin
Mun fleiri nutu aðstoðar Matargjafa á Akureyri en í fyrra, yfir 200 fjölskyldur fengu aðstoð. Mynd af facebooksíðu Akureyri - miðbær.
„Það er ekki laust við að ég sé klökk og full þakklætis,“ segir Sigrún Steinarsdóttir sem heldur utan um Matargjafir Akureyrar og nágrennis. Beiðnir um aðstoð hafa aldrei verið fleiri en nú fyrir jólin. Sigrún og bakhjarlar hennar aðstoðuðu alls yfir 200 fjölskyldur, ýmist með innlögnum á reikning Matargjafa, gjafakortum, mat, jóla- og eða skógjöfum.
Þá segir Sigrún að 12 fjölskyldur hafi fengið beinan stuðning sem virkar þannig að fólk kýs að styðja ákveðna fjölskyldu um ákveðna upphæð og fer það oft eftir fjölskyldustærð. Hún nefnir að einn af slíkum styrkum sé þannig að hjón í bænum eldi jólamat og aki honum heim til einstaklings sem vill vera einn um jólin „Það eru margir einstaklingar sem vilja vera einir um jólin og ég mun bæta þessu við fyrir næstu jól, þetta er fallega gert og eflaust margir sem myndu vilja aðstoð af þessu tagi.
Sigrún nefnir að í það minnsta 15 matarpokar/kassar með jólamat hafi farið úr matarkistu við heimili hennar í gær, Þorláksmessu og líklegt sé að fleiri setji þar jólamat. „Mér bárust í allt 28 ábendingar um fjölskyldur eða einstaklinga sem voru í vanda fyrir jólin, þetta er fólk sem leitar sér ekki sjálft aðstoðar. Sem dæmi var ein kona sem átti um 500 krónur á sínum reikningi og hafði ekki svigrúm til að mat og gjafir fyrir börn sín. Mér hafa aldrei borist jafn margar slíkar ábendingar,“ segir hún, en Matargjafir veittu aðstoð víðar en á Akureyri, m.a. Sauðárkróki, Siglufirði, Húsavík sem dæmi.
Aukning milli ára
Sigrún segir að í fyrra hafi Matargjafir aðstoðað 128 fjölskyldur eða einstaklinga auk 9 sem fengu beina styrki frá öðrum fjölskyldum eða 137 í allt. Fleiri óskuðu eftir aðstoð núna, enda hefur efnahagsástandið versnað til mikilla muna á milli ára. Hún segist þaklát fyrir þann stuðning sem nærsamfélagið veiti henni. „Það standa margir þétt á bak við mig og hafa gert í hverjum einasta mánuði í rúm 9 ár. Án þeirra sem lagt hafa lið væri þetta ekki hægt.“
Sigrún nefnir að hún hafi notið góðrar aðstoðar Ástu Einarsdóttur sem m.a. hafi farið um bæinn, sótt flöskur til einstaklinga og fyrirtækja og skilað í Endurvinnslu. Hún hafi útvegað gosdrykki hjá Ölgerðinni, kartöflum frá Síla- og Einarsstöðum og virkjað stórt og gott tengslanet sitt til að afla fjár og varnings hjá fyrirtækjum víða. Þannig hafi hún t.d. rætt við Hagkaup sem styrkti Matargjafir um 500 þúsund krónur sem verulega munaði um.
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
