13.nóvember - 20.nóvember - Tbl 46
Margskonar fróðleikur um fugla í Fugladagbókinni
Krossnefur. Mynd/aðsend
Fuglaskoðun nýtur mikilla vinsælda hér á landi og má sem dæmi nefna að síður eru á fésbók um fugla og ýmslegt þeim tengdum. Siglfirðingurinn Sigurður Ægisson hefur sent frá sér bók sem nefnist Fuglar á Íslandi og árstíðirnar fjórar: Fugladagbókin 2022. Horfir hann einkum á þann mikla fjölda fuglaáhugamanna hér á landi varðandi nýju bók sína, en hún er sérsniðin að þörfum fuglaáhugafólks.
Sigurður segir bókina nýjung á bókamarkaði hér á landi, en hún er uppsett á þann hátt að á undan hverrri viku er fróðleikur um eina tiltekna fuglategund og eru 52 slíkar í bókinni líkt og vikur ársins. Þá er möguleiki á að skrá hvern dag þá fugla sem maður sér og fjölda þeirra.
Um helmingur þeirra fugla sem fróðleiksmolar eru um eru flækningsfuglar en upplýsingar um þessa framandi gesti hafa ekki verið aðgengilegar almennum lesendum til þess, heldur nær eingöngu verið um þá fjallað í lokuðum hópum eða sérhæfðum tímaritum. Um 400 fuglategundir hafa sést á Íslandi frá upphafi skráningar, þó einungis 75 til 80 verpi hér að staðaldri.
Bókin er byggð upp í kringum almanaksárið, en jafnframt misseristalið gamla, sem var fullmótað á 12. öld og hefur m.a. að geyma þorra og góu, og því er merkt inn í skýringartextann efst hvenær gömlu mánuðirnir byrja, auk þess sem hver árstíð fær sinn lit.
Fugladagbókin 2022 hentar vel sem fylgirit í náttúrufræðikennslu í grunnskóla eða þá í fjölskyldugönguna eða -rúntinn, til að skrá það sem fyrir augu ber.
Nýjast
-
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“
