20. nóvember - 27. nóvember - Tbl 47
Lokaorðið - Naktir kennarar.
Svanhildur Daníelsdóttir átti lokaorðið í blaðinu s.l. fimmtudag
Þegar líður að starfslokum er óhjákvæmilega horft yfir farinn veg. Farsæl 38 ár við kennslu. Samkvæmt rannsóknum stendur skólakerfi bókaþjóðarinnar afar illa á köflum. Lestrarfærni og lesskilningur er allt of lélegur. Nú legg ég brátt frá mér límstiftið og skærin. Af hverju nefni ég þessa tvo hluti? Vegna þess að námsefnisskortur í íslenskum skólum hefur allan minn starfsaldur verið mikill. Allir vita að ef árangur á að nást í einhverju þá þarf æfingu og hvatningu. Þetta skilja allir þegar talað er um íþróttir og tónlist, en þegar talað er um lestur, móðurmálið, stærðfræði og náttúrufræði er farið í vörn. „Æfingin drepur meistarann“ sagði eitt sinn óöruggur og meðvirkur kennari í mín eyru og átti við að endurtekningar væru af hinu illa.
Þróun ljósritunarvélarinnar
Eina virkilega þróunin sem ég hef orðið vitni að öll þessi ár er þróun ljósritunarvélarinnar. Fyrst voru vélarnar einfaldar og hæggengar. Síðan var hægt að ljósrita báðar hliðar og afkastagetan jókst með hverju nýju módeli. Svo fóru vélarnar að hefta saman og brjóta heilu heftin á ógnarhraða og í dag er hægt að skanna og ljósrita í lit. Þetta var nauðsynlegt vegna þess að kennarar höfðu ekkert námsefni. Engar myndrænar og litríkar bækur sem tóku við og stig þyngdust eftir því sem getu og áhuga nemenda fleygði fram. Ekkert fallegt og hvetjandi sem nemendur gátu keppst við að klára til að fá nýtt fallegt að glíma við. Forðum var sagt um konur að þeirra staður væri við eldavélina. Staður íslenskra kennara hefur sannarlega verið við ljósritunarvélina. Langa daga, kvöld og helgar öfluðuð þeir efnis héðan og þaðan, oft með því að kaupa sjálfir erlendar kennslubækur, þýða, staðfæra, klippa saman, líma og loks að ljósrita heilu bekkjarsettin. Misjafnlega vel unnin, skökk, óskýr, grá, svarthvít. Valblöð í sama stíl hangandi í plastumslögum á veggjum.
Drukkið kaffi og heimsmálin leyst
Við ljósritunarvélina hittust kennarar, drukku kaffið og leystu heimsmálin á meðan vélin kláraði og næsti komst að til að ljósrita. Engu hefur verið til sparað í kaup á þúsundum tonna af pappír og vélarnar endurnýjaðar samviskusamlega. Fyrir téðum 38 árum kom ég inn í skólavörubúðir í Bandaríkjunum. Því gleymi ég aldrei. Þar var bókstaflega allt til fyrir allan aldur. Fallegar litríkar og myndrænar bækur sem tóku við hver af annari eftir því sem náminu vatt fram.
Já, neyðin kenndi nöktum kennurum að spinna.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
