Lokaorðið - Mæður allra alda
Það styttist trúlega í þriðju heimsstyrkjöldina, og þó er býsna stutt síðan þeirri síðustu lauk, elsta kynslóðin man þá tíma vel.
Stríð. Það er svo margt sem ég skil ekki og stríð skil ég alls ekki. Hve nöturlegt tilgangsleysi. Manngerðar náttúruhamfarir og hörmungar. Leiðtogar þjóða, gamlir karlar, senda unga fólkið á vígvöll að drepa annað ungt fólk sem berst vegna annarra álíka leiðtoga. Hvers virði eru mönnum eiginlega völdin, fara þessir valdagráðugu ekki bara sömu leiðina og við hin, sauðsvartur almúginn? Öll förum við héðan jafn nakin og allslaus og við komum. Til hvers er barist?
Hingað í Höfða komu stundum breskir hermenn sem héldu til á Grenivík og áttu að vakta skipaferðir í firðinum, jafnaldrar sumra Höfðasystkina. Röltu um, því þeim leiddist og vantaði félagsskap. Þetta voru stráklingar, illa búnir, settir niður við þennan kalda fjörð norður í ballarhafi að sitja fyrir ókunnum óvini sem aldrei kom. Þeim var tekið vel, ófáar máltíðir innbyrtar, gefnir sokkar og vettlingar, alúð og hlýja. Þegar amma fékk aðfinnslur og athugasemdir um það hvort þetta væri nú hollur félagsskapur fyrir unga fólkið svaraði hún: ,,Það myndi ég vilja, ef strákarnir mínir væru hraktir til útlanda að taka þátt í stríði, að það væri gott fólk sem myndi hugsa vel um þá". Mæður allra landa og allra alda. Hugsa þær ekki eins?
Og ég horfi á 17 ára unglinginn minn og jafnaldra hans. Mikið vona ég og óska að þetta unga fólk verði aldrei neytt til að taka sér drápstól í hönd og beita á ungt fólk annarra þjóða. Það flýgur að mani sú hugsun; meta konur lífið dýrmætar en karlar? Mögulega vegna þess að þær vita, þekkja, skilja erfiðið, fyrirhöfnina, sársaukann og ástina við að eignast og eiga börn. Þurfum við ekki fleiri leiðtoga sem meta lífið meira en völdin?
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
