Lokaorðið - Ilmur af löngu liðnum heyskap.
Árin sem um ræðir eru uppúr 1960 þegar koma þurfti heyi í hús. Heima var til Bedford vörubíll, vínrauður með svörtum frambrettum og háum grindum. Eftir endilöngum pallinum á vörubílnum lágu tveir kaðlar og endarnir löfðu niður að aftan og fram á stýrishúsið. Aftan á bílpallinum var stór járnhringur. Þar var svokölluð heyhleðsluvél hengd aftaní.
Heyhleðsluvélar voru einskonar færiband, upprétt færiband á tveimur stórum járnhjólum. Lögun þeirra minnti á sitjandi hund. Pabbi keyrði vörubílinn lötur hægt með heygarðann á milli hjóla. Þegar bíllinn fór af stað, fór færibandið í vélinni af stað. Það færði heyið upp og svo féll það niður á pallinn. Mamma var uppá pallinum. Hún tók á móti heyinu jafn óðum og færði það fram að stýrishúsinu. Af og til var stoppað og krakkaskarinn sendur upp á pallinn til að færa heyið sem mest fram og troða vel. Þannig komst meira á pallinn. Það var mikill hamagangur og sprell þegar krakkarnir ólmuðust í heyinu. Þegar pallurinn var orðinn kúfaður var vélin tekin frá og endarnir á köðlunum bundnir saman. Þá var komið mikið heyhlass.
Mamma og krakkaskarinn settust ofaná hlassið og pabbi keyrði ofur varlega heim að hlöðu. Krakkarnir voru reknir niður og langt í burtu til öryggis, því næst þurfti að draga hlassið inn í hlöðuna. Pabbi sturtaði við baggagatið og svo var hlassið dregið inn á blökkum með stálvírum. Kaðlarnir leystir af hlassinu, dregnir undan og lagðir á bílpallinn á nýjan leik. Ef stálvírarnir slitnuðu þegar verið var að draga inn var voðinn vís. Þess vegna voru krakkarnir reknir í burtu. Svo var eftir að moka úr hlassinu með heykvísl inni í hlöðunni. Það var þrælavinna og erfitt að halda jafnvægi í mjúku heyinu og moka samtímis. Það var eins og að standa á brimbretti og róa samtímis. J
Já, ég er ekki mjög gömul, en þegar ég rifja þetta upp finnst mér eins og ég sé aftan úr grárri forneskju.
Nú fara heyannir í hönd í sveitum landsins. Vonandi verður spretta og tíðarfar hagstætt og heyfengur góður.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
