20. nóvember - 27. nóvember - Tbl 47
Lokaorðið - Ich bin ein Berliner
Heiðrún E. Jónsdóttir átti lokaorðið i blaðinu s.l. fimmtudag
Berlín 9. nóvember 1989
Eftir menntaskóla bjó ég einn vetur í München. Hugðist nú heldur betur læra þýskuna og tala eins og innfædd. Markmiðið var metnaðarfullt en árangurinn ekki í takt við það. Reyndar heldur faðir minn að ég sé þýsku sjéni því á ferðalögum okkar á ég það til að panta veitingar á þýsku. Við skulum ekki leiðrétta það.
Fall múrsins
Í byrjun nóvember 1989 fór að bera á fréttum um að hinn frægi Berlínarmúr væri að falli kominn. Þó ekki vegna viðhaldsskorts en sprungur voru komnar í Austrið og Járntjaldið farið að trosna. Við vinkonurnar töldum að það gæti orðið áhugavert að kíkja til Berlínar. Keyptum við næturmiða í lest og fengum að gista hjá velviljuðum Íslendingi.
Í einu orð sagt ógleymanleg stund
Við vorum einn dag í Austur Berlín, sem var sótug og illa hirt. Vorum nánast einar að stjákla um borgina, gamlir trabantar á ferð og borgin grá. Minnti sannarlega ekkert á þá glæsilegu borg sem Berlín var fyrir stríð. Í Vestrinu var önnur saga, þangað flykktust íbúar beggja borgarhluta og var ákaft fagnað. Mótmælin voru friðsæl og með hamra á lofti náði fólk sér í stykki úr múrnum. Það var ótrúlegur munur á borgarhlutunum tveimur. Sama þjóðin, einn veggur skildi þau að frá stríðslokum til 1989, en auk ásýndarinnar var menningarmunurinn áþreifanlegur.
Upphafið að endalokum kalda stríðsins
Þetta var byrjun á falli Sovétríkjanna eins og þau voru þekkt þá og var upphaf að endalokum Kalda stríðsins auk þess sem Þýskaland sameinaðist í kjölfarið.Upphaf nýrra og friðsælla tíma í Evrópu og leit maður á frið í Evrópu sjálfsagðan.
Blikur á lofti
Nú hafa óveðurský enn á ný hrannast upp í Evrópu. Friður sem maður tekur sem sjálfsögðum er brothættur. Nú reynir á þjóðaleiðtoga sem aldrei fyrr.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
