Lokaorðið - Hve glöð er vor æska
Á vorin er uppskerutími nemenda. Þeir skoppa út úr skólunum, taka stolt á móti prófskírteinunum sínum og út í sumarið.
Valhoppandi foreldrar
Við foreldrar valhoppum einnig af kæti. Hvað er betra en sjá ungmenni ná markmiðum sínum og taka glöð á móti næsta kafla í lífinu? Með mikilli gleði og stolti horfir maður á ungmennin setja upp hvíta kollinn eða taka á móti prófskírteinum úr iðngreinum eða háskóla. Gleðilegt að sjá dúxana uppskera, en árangur allra skiptir máli til að varða leiðina áfram og eflir sjálfstraustið.
Skólaárin eru ekki bara tími bókalærdóms.
En á þessum árum er ekki eingöngu mikilvægt að stunda námið vel. Mikilvægt er að verja góðum tíma í að safna í minningarbankann, safna góðum og traustum vinum og byggja upp tengslanetin sín. Við lærum að takast á við vandamál sem við fáum í fangið. Lærum að lesa í aðstæður og fólk. Lærum að verða betri manneskjur. Á þessum árum reynum við á mörk okkar og annarra, gerum mistök sem við lærum af. Gerum asnastrik, sem við myndum sannarlega ekki gera í dag, en hlæjum að þeim á góðum stundum.
Skellur
Eftir því sem árin færast yfir þá verða æskuvinirnir enn mikilvægari en áður. Þeir taka manni eins og maður er. Vissulega missir maður tengsl við suma, við þroskumst og áhugamál breytast, en oft vakna gömul vinatengls upp að nýju. Mikilvægi meðaleinkunnar í grunn- og menntaskóla fjarar hins vegar fljótt út, svo lengi sem maður stendur sig. Þannig hefur enginn spurt mig síðustu þrjá áratugi hvað ég var með í meðaleinkunn í grunn- eða menntaskóla. Það er vissulega skellur fyrir mig, því ég tók námið alvarlega og var með afar góðar einkunnir þótt ég segi sjálf frá, svona fyrst enginn spyr mig. Sem betur fer lagði ég samhliða áherslu á vini og góðar minningar, það hefur margfaldast að virði í lífsins göngu.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
