20. nóvember - 27. nóvember - Tbl 47
Lokaorðið - Að breyta dimmu í dagsljós
Svanhildur Daníelsdóttir átti lokaorðin i blaðinu s.l fimmtudag
Saga af móður, dóttur og hjúkrunarheimili. Móðirin var afar sjálfstæður bóndi og hafði fyrir löngu ákveðið að yrkja jörð sína til æviloka, fjörgömur og alein. Þrátt fyrir sjálfstæðið hafði henni stöku sinnum dottið í hug að færa sig á þéttbýlli stað, en þær tilraunir runnu jafnharðan út í sandinn. Hún ákvað þess í stað að fela dóttur sinni að setja sér stólinn fyrir dyrnar þegar að í óefni væri komið. Að setja einhverjum stólinn fyrir dyrnar var orðatiltæki sem einatt var notað á heimilinu og þýddi einfaldlega - hingað og ekki lengra.
Svo kom haust. Dóttirin sá að nú væri hin óumflýjanlega stund upp runnin. Hún yrði að standa í lappirnar og efna loforðið. Kötturinn fékk að fylgja með bónda sínum á eitt fallegasta hjúkrunarheimili á Íslandi. Það létti mikið undir en átakamikill tími tók við.
Sími dótturinnar hringdi á miðjum morgni. Bóndinn grét og bað dótturina að koma og fara með sig og köttinn heim. Mæðgurnar sátu ráðalausar í herbergi móðurinnar. Opnast þá dyrnar á herberginu og inn kemur iðjuþjálfinn. Í minningunni var bjart ljós umlukið þessa frelsandi veru. Iðjuþjálfinn gengur til gömlu konunnar. Hann heldur á flösku með gulum vökva, ávarpar konuna með nafni og segir að þeim hafi verið gefinn broddur. Nú sé meiningin að sjóða ábrystir í hádegismat en enginn í húsinu kunni að gera það – hvort hún geti hjálpað þeim. Og eins og við manninn mælt. Bóndinn rauk á fætur, hamur sorgarinnar hvarf á augabragði og andlitið ljómaði eins og sól í heiði. Nú auðvitað, sagði hin aldna kona og skelli hló. Þreif stafina sína því bændur nota tvo stafi en ekki göngugrind, göngugrindur eru fyrir gamalt fólk. Brunaði fram með iðjuþjálfanum og kötturinn fylgdi í kjölfarið. Málið var dautt.
Svona fór allt starfið fram á þessu yndislega hjúkrunarheimili. Starfsfólkið hafði einstakt lag á að finna íbúunum hlutverk.. Ekkert er jafn mikilvægt og að reyna að finna öllum einhvern tilgang og hlutverk þegar ellin eða sjúkdómar hafa nagað burtu þróttinn sem eitt sinn var.
Það breytir oftar en ekki sárasta myrkri í skínandi ljós.
Nýjast
-
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
