20. nóvember - 27. nóvember - Tbl 47
Listasafnið á Akureyri: Þriðjudagsfyrirlestur - Steinunn Arnbjörg Stefánsdóttir
Steinunn Arnbjörg flytur fyrirlestur á Listasafninu á morgun þriðjudag
Þriðjudaginn 15. október kl. 17-17.40 heldur sellóleikarinn Steinunn Arnbjörg Stefánsdóttir Þriðjudagsfyrirlestur undir yfirskriftinni ListaÉg. Í fyrirlestrinum mun hún spekúlera í listferli og listalífi. Hún mun grúska í tilurð, gjörðum og lífi einhvers konar listapersónu sem á heima í einhvers konar alvöru persónu. Aðgangur er ókeypis.
Steinunn Arnbjörg lauk einleikaraprófi frá Tónlistarskólanum í Reykjavík vorið 2000. Síðar lærði hún hjá Michel Strauss við Konservatoríið í Boulogne-Billancourt og barokksellóleik hjá Christophe Coin og Bruno Cocset við Parísarkonservatoríið, CNSM de Paris. Þaðan útskrifaðist hún með láði og Mastersgráðu í barokksellóleik vorið 2006. Steinunn lék á árunum 2006-2020 með mörgum af helstu barokkhópum Frakklands og leikur nú með íslensku barokk- og nútímatónlistarhópunum Nordic Affect, Barokkbandinu Brák og Alþjóðlegu barokksveitinni. Hún er leiðandi sellóleikari Sinfóníuhljómsveitar Norðurlands síðan í maí 2022.
Steinunn er stofnandi fransk-íslenska barokkhópsins Corpo di Strumenti sem hefur víða komið fram. Hópurinn á sér annað sjálf sem gengur undir nafninu SÜSSER TROST og leikur tilraunakenndar útsetningar rokklaga og eigin lagasmíðar. Steinunn er einnig meðlimur í þjóðlaga-usla-sveitinni Gadus Morhua Ensemble. Hún er jafnframt skáld, tónskáld og lagasmiður og hefur gefið út fjórar ljóðabækur auk útgáfu á eigin lögum og ljóðum. Steinunn hefur m.a. samið tónlist fyrir Nordic Affect og kammerhóp Tónlistarfélags Akureyar, Sigrúnu Mögnu Þorsteinsdóttur og Brice Sailly, auk eigin hljómsveita og kammerhópa. Hún er forsprakki Tólf tóna kortérsins sem er tilraunasena fyrir tónlist og fer fram á Listasafninu á Akureyri. Frá stofnun tónleikaraðarinnar vorið 2020 hefur fjöldi nýrra tónsmíða litið þar dagsins ljós.
Þriðjudagsfyrirlestrarnir eru samvinnuverkefni Listasafnsins á Akureyri, Verkmenntaskólans á Akureyri og Gilfélagsins. Aðrir fyrirlesarar eru Yuliana Palacios, dansari, Loji Höskuldsson, myndlistarmaður, og Anna Richardsdóttir, gjörningalistakona.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
