27. nóvember - 4. desember - Tbl 48
Líf í lundi
Á morgun laugardag verður haldinn útivistar- og fjölskyldudagur í skógum á 18 stöðum um allt land undir merkinu Líf í lundi.
Skógræktarfélag Suður-Þingeyinga efnir til samverustundar á einum af þessum stöðum, hinum fallega Fossselsskógi. Skógurinn er sunnan við bæinn Vað, á leið frá Kinn yfir í Aðaldal. Gestum verður kynnt aðstaðan í skóginum, gengið um skóginn, staðkunnugir veita fræðslu og boðið upp á þrautir fyrir börnin.
Markmið dagsins er að fá almenning til að heimsækja skóga landsins og hreyfa sig, njóta samveru og upplifa skóga og náttúru. Í boði verða fjölbreyttir viðburðir um land allt, bæði rótgrónir viðburðir eins og Skógardagurinn mikli og Skógardagur Norðurlands og nýir viðburðir sem skipulagðir hafa verið í samstarfi margra. Að deginum standa Skógræktarfélag Íslands ásamt aðildarfélögum sínum, Skógræktin og Landssamtök skógareigenda, í samvinnu við önnur félagasamtök og stofnanir.
Einnig er boðað til fagnaðar í hinum rómaða Vaglaskógi. Vaglaskógur er einn af höfuðskógum Íslands og býður upp á frábæra aðstöðu til útivistar og samveru. Margt verður í boði og tilvalið að gera sér glaðan dag í fallegu umhverfi.
Dagskrá:
Kl. 10:00 – ca. 12:30 Ganga á Hálshnjúk undir leiðsögn Hermanns Herbertssonar
(Hist á bílastæði við upphaf gönguleiðar við efri-Vagli)
Kl. 14:30-15:30 Skógarganga – fuglarnir í skóginum, leiðsögn Sverrir Thorstensen.
Kl. 15:30-16:30 Sýning á skúlptúragerð með keðjusög
Kl. 14:00-17:00 Flautugerð, tálgun, frisbígolf, bogfimi, leikir fyrir börn í umsjón skátanna.
Veitingar: Skógarkaffi, lummur, pinnabrauð, poppað yfir eldi.
Nýjast
-
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
