Leita að gömlum freon ísskáp sem þolir mikið frost
Amtsbókasafnið á Akureyri ætlar að setja upp svonefndan frískáp við bókasafnið og hefur auglýst ef gömlum ísskáp í leit að framhaldslífi.
„Við erum enn að bíða eftir ísskáp, en vandamálið sem við stöndum frammi fyrir er að venjulegir nýlegir ísskápar þola ekki að standa úti í meira en fimm stiga frosti. Við höldum enn í vonina um að einhver eigi gamlan freon ísskáp og væri til í að láta af hendi, en slíkir skápar þola þann fimbulkulda sem stundum herjar á okkur Akureyringar,“ segir Hrönn Björgvinsdóttir á Amtsbókasafninu á Akureyri.
Vilja efla hringrásarhagkerfið
Hrönn segir að frískápar séu almenningins ísskápar þar sem fyrirtæki og einstaklingar geta skilið eftir matvæli og hver sem er má taka sér mat úr skápnum. „Tilgangurinn er fyrst og fremst að sporna við matarsóun, fólk í veitingageiranum og verslanir standa oft frammi fyrir því að þurfa að henda mat sem þó er í fullkomnu lagi en kannski ekki söluhæfur. Eins kannast margir við það að eiga eitthvað í búrinu eða aftast í ísskápunum heima sem aldrei er notað,“ segir hún. „Með þessu framtaki vill bókasafnið efla hringrásarhagkerfið og leggja sitt af mörkum í loftslagsmálum, en eins og alkunna er þá er gríðarlegu magni af mat hent hér á landi.“
Skýli byggt yfir skápinn
Hrönn segir að mikilvægt sé að fólk geti gengið í ísskápinn á öllum tímum sólarhrings og þess vegna á hann að standa úti, fyrir framan safnið. „Það stendur til að hópur sjálfboðaliða komi saman og byggi skýli yfir skápinn þegar við höfum fengið hann,“ segir hún, en ef hvergi finnst ísskápur sem hentar norðlensku vetrarveðri muni þau sætta sig við nýlegri skáp sem settur verði út þegar fer að vora, en þyrfti að vera innanhúss yfir köldustu mánuði ársins.
Hrönn segir frískápa þekkjast um allan heim og í raun megi tala um alheimshreyfingu frískápa. Fyrsti og eini frískápurinn hér á landi stendur við Andrými á Bergþórugötu í miðborg Reykjavíkur, en í farvatninu er að koma upp slíkum skápum víðs vegar um landið.
/MÞÞ
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
