27. nóvember - 4. desember - Tbl 48
Leggja til upplýsingu á Húsavík
Húsavík, samsett mynd.
Á fundi sveitarstjórnar Norðurþings fyrir skemmstu voru teknar fyrir tvær tillögur um upplýsingu.
Annars vegar var tillaga meirihlutans um að kannaðir verði möguleikar á uppbygging á upplýstri göngu- og hjólaleið milli Húsavíkur og iðnaðarsvæðisins á Bakka og málinu yrði vísað til skipulags- og framkvæmdaráðs til frekari úrvinnslu. Tillagan var samþykkt samhljóða.
Í bókun segir að um 150 einstaklingar starfi í verksmiðju PCC Bakki Silicon á iðnaðarsvæðinu á Bakka og vinnur sveitarfélagið að frekari uppbyggingu í anda grænna iðngarða á svæðinu. Leiðin milli þéttbýlisins og iðnaðarsvæðisins er um 2 km en PCC Bakki Silicon er einn stærsti vinnustaðurinn í sveitarfélaginu.
Myrkur á Jónasartúni
Þá var tekin fyrri tillaga Hjálmars Boga Hafliðasonar um að brekkan við Hjarðarholtstún á Húsavík sem kallast gjarnan Jónasartún verði upplýst enda mikið leiksvæði ýmist snemma dags eða seinnipart og fram á kvöld.
„Á túninu eða í brekkunni renna börn og ungmenni sér fram eftir kvöldi og kjörið að lýsa svæðið upp til að gera upplifunina enn skemmtilegri og um leið öruggari. Verkefnið er ekki kostnaðarsamt og ætti að vera auðvelt að koma til framkvæmda.
Börn og ungmenni óskuðu eftir samtali við forseta og óskuðu eftir lýsingu og liggur tillagan því fyrir,“ segir í tillögunni.
„Jónas í Hjarðarholti átti einu sinni tún undir brekku sem kallað var Jónasartún. Gjarnan er talað um þetta sem aparóló í dag. Íbúar, í þessu tilfelli börn eiga að geta nálgast kjörna fulltrúa, okkur níu sem sitjum hér, með sínar hugmyndir sem við metum og skoðum hvort eigi að framkvæma. Stundum eru þetta stórar hugmyndir og kosta alveg ofboðslega mikið en stundum er þetta pínulítil hugmynd sem kostar eiginlega ekki neitt og mjög auðvelt að framkvæma. Þetta er minniháttar og jafnvel þyrfti ekki að koma með risastóra tillögu um þetta. Ég skora á kjörna fulltrúa, varðandi þessi litlu verkefni sem gera samfélagið okkar betra, að koma þeim áfram til starfsfólks sveitarfélagsins eða sem tillögu inn á sveitarstjórnarfundi. Við eigum að gera meira af því til að gleðja og upphefja okkur sem samfélag,“ sagði Hjálmar Bogi.
Aldey Unnar Traustadóttir, V-lista og Áki Hauksson M-lista tóku einnig til máls og sögðu tillöguna afar góða en vildu engu að síður láta kostnaðarmeta framkvæmdina. Lögðu þau til að málinu yrði vísað til skipulags- og framkvæmdaráðs og verkefnið verði kostnaðarmetið þar. Tillagan var samþykkt með atkvæðum allra nema Hjálmars Boga sem sat hjá.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
