20. nóvember - 27. nóvember - Tbl 47
Laxá Fiskafóður framleiddi um 11 þúsund tonn af fóðri í fyrra
Nýr fóðurtankur væntanlegur í júní og mun hann styrkja samkeppnisstöðu Laxár með umhverfisvænni afhendingu sem sparar plastsekki og bretti Myndir Laxá
Reksturinn hjá Laxá Fiskafóður gekk vel á liðnu ári líkt og venja hefur verið undanfarin ár. Framleiðsla nam 11 þúsund tonnum og velta var 3.600 milljónir. Markaðshlutdeild fyrirtækisins í sölu á fiskeldisfóðri til landeldisstöðva fyrir seiði og matfisk er um 80%.
Gunnar Örn Kristjánsson framkvæmdastjóri segir að að eftirspurn eftir fóðri muni vaxa umtalsvert á næstu ári og miðar þá við áform landeldisstöðva um aukið matfiskeldi á komandi árum. „Eftirspurn eftir fóðri mun fara hraðvaxandi,“ segir hann. Framleiðslugeta verksmiðju Laxár Fiskafóðurs er með núverandi búnaði um 20 þúsund tonn.
Horfa til þess að auka framleiðslu fiskafóðurs hérlendis
Gunnar Örn segir að sú hugmynd hafi verið til skoðunar að reisa nýja og stærri verksmiðju hérlendis, í samvinnu við erlendan aðila sem eru stórir í framleiðslu fiskafóðurs. „Þær hugmyndir hafa verið settar í biðstöðu og erum þess í stað að skoða möguleika á að auka okkar framleiðslugetu á Krossanessvæðinu upp í 50 þúsund tonn til að mæta þeirri þróun og aukningu sem á sér stað í landeldinu á næstu árum,“ segir hann.
„Það er full þörf á nýrri og stærri verksmiðju hérlendis því við Íslendingar eru þegar að flytja inn um 60 þúsund tonn af fiskafóðri, en framleiðum innan við 14 þúsund tonn sjálf. Innflutningur mun því aukast til muna ef ekki kemur til ný verksmiðja hér á landi.“
Gunnar Örn segir að til að anna aukinni framleiðslu í fiskeldi hér á landi þyrfti að reisa um 200 þúsund tonna fóðurverksmiðju, 10 sinnum stærri en þá sem Laxá Fiskafóður rekur nú. „Það er allt á hraðferð í fiskeldinu, annarsvegar í sjóeldinu sem mun fullnýta sýn 100 þúsund tonna eldisleyfi og hinsvegar landeldi á laxi þar sem í fyrsta áfanga er stefnt að 40 þúsund tonn framleiðslu. Því verðum við að skoða hvaða leiðir eru færar til að bregðast við aðstæðum og þar koma inn umhverfismál hvað varðar kolefnaspor og svo framtíðar matvæla öryggi hérlendis.“
Gunnar Örn Kristjánsson
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
