20. nóvember - 27. nóvember - Tbl 47
Laufabrauðið hennar ömmu
Heimagert laufabrauð er á mörgum íslenskum heimilum nauðsynlegur hluti af jólunum
Laufabrauðið hennar ömmu
Margir eiga það til að mikla það fyrir sér að búa til laufabrauð heima fyrir og kaupa kökurnar því tilbúnar úti í búð. Það er hins vegar mun minna mál að gera þær frá grunni sjálfur en marga grunar og gerir þessa vinsælu jólahefð mun dýrmætari fyrir vikið. Það skemmir svo ekki fyrir að heimagert laufabrauð bragðast nú langoftast mun betur.
Hráefni
500 g hveiti
40 g smjörlíki
1 msk. sykur
½ tsk. salt
1 tsk. lyftiduft
2½ - 3 dl mjólk
Steikingarfeiti, hægt að nota laufabrauðsfeiti, palmín-feiti eða blanda því hvoru tveggja saman.
Aðferð
Mjólk og smjörlíki er hitað saman. Næst er öllum þurrefnum blandað saman og blöndunni hrært saman við smjörlíkið og mjólkina í skál. Þá ætti deigið að vera komið í kúlu. Þá má leggja rakt, heitt viskastykki yfir deigið til að halda því röku.
Því næst er skorinn bútur af deiginu til að fletja út, þykktin fer eftir smekk. Margir vilja hafa kökurnar sem þynnstar. Næst eru kökurnar skornar, gott er að nota disk og skera eftir honum. Stærðin á kökunum fer eftir stærð steikarpottsins.
Næst eru kökurnar skornar út og þar eru allskyns útfærslur í boði. Hægt er að nota laufabrauðsjárn en það er alls ekki nauðsynlegt. Mikilvægt er að pikka kökurnar vel til að koma í veg fyrir loftbólur þegar þær eru steiktar.
Næst er að steikja kökurnar, í það er hægt að nota laufabrauðsfeiti, sniðugt er að blanda saman við hana palmín-feiti því laufabrauðsfeitin getur verið mjög lin. Kökurnar eru steiktar á báðum hliðum þar til þær verða ljósbrúnar.
Gott er að pressa kökurnar á eldhúspappír eftir að þær eru steikar, t.d. með disk eða pottloki. Best er að bera laufabrauðið fram með smjöri og borða það samhliða jólamatnum.
Uppskriftin dugar í u.þ.b. 50 kökur en fer þó eftir stærð og þykkt.
Ömmupartar
Sniðugt er að nýta steikingarfeitina sem best og þá er hægt að henda í ömmuparta sem gott er að eiga í frystinum til að grípa í.
Langamma undirritaðrar kom upp með þessa uppskrift sem hefur notið mikilla vinsælda í fjölskyldunni og undantekningarlaust verið gerð samhliða laufabrauðinu.
Hráefni
500 g hveiti eða heilhveiti
1 tsk. lyftiduft
½ tsk. natrón
1 dl súrmjólk
½ tsk. salt
1-2 tsk. sykur
Mjólk eftir þörfum
Aðferð
Súrmjólk og natrón blandað saman. Næst er restinni af þurrefnunum bætt út í ásamt mjólk eftir þörfum. Deigið er síðan flatt út og haft nokkuð þykkt (1/2 cm u.þ.b.).
Deigið er skorið í tígla eða í það form sem hver og einn kýs. Gott er að pikka deigið með gaffli. Næst eru partarnir steiktir sem er tilvalið að gera á eftir laufabrauðinu.
Best er að geyma partana í frosti svo þeir haldi sem mestum gæðum.
Ómissandi Toblerone-jólaís
Þegar búið er að háma í sig dýrindis jólamat er nauðsynlegt að hafa góðan eftirrétt tilbúinn. Þennan gómsæta jólaís tekur enga stund að græja og gerir jólaupplifunina enn betri.
Hráefni
6 egg
1 bolli ljós púðursykur
½ lítri þeyttur rjómi
150 g brytjað Toblerone
50 g brætt Toblerone
½ dl Baileys
1 tsk.vanilludropar
Aðferð
Gott er að byrja á því að þeyta rjómann og geyma inni í ísskáp. Egg og púðursykur er svo þeytt vel saman. Ef sama skál er notuð þarf að passa að hún sé vel þrifin á milli. Restinni af hráefnunum er svo hrært saman við.
Rjómanum er blandað saman við með sleif svo hann falli sem minnst. Að lokum er ísinn settur í mót og inn í frysti.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
