Látum ekki traðka á okkur
Góður og markviss undirbúningur er lykillinn að kröftugri kjarabaráttu. Samstaða skilar árangri, það hefur margsinnis sýnt sig. Miðað við svör vinnuveitenda í tengslum við komandi kjaraviðræður getur farið svo að kjarabaráttan verði harðari en oft áður og við bætist að laun og bónusar margra forstjóra fyrirtækja hafa hækkað um meira en þreföld lágmarkslaun verkafólks á mánuði. Þetta er auðvitað ólíðandi. Verkafólk getur heldur ekki sætt sig við úrskurði kjararáðs til helstu stjórnenda hjá ríkinu og sömu sögu er að segja um óhóflegar hækkanir launa í bankakerfinu og víðar.
Það ríkir góðæri í landinu og verkafólk á að njóta þess, ekki bara topparnir í þjóðfélaginu.
Félagsleg samstaða
Stærsta verkefni Einingar-Iðju á þessu ári – eins og alltaf - er að vinna að sameiginlegum hagsmunum félagsmanna, með því að semja um kaup og kjör, bættan aðbúnað við vinnu og gæta þess að ekki sé gengið á rétt þeirra.
Framundan er mikil vinna við að móta kröfugerð félagsins vegna komandi viðræðna um gerð nýs kjarasamnings, því þarf að nýta tímann vel. Innviðir Einingar-Iðju eru sterkir, það kemur ágætlega fram í stórri viðhorfs- og kjarakönnun sem Gallup gerði fyrir félagið í lok síðasta árs, þar sem yfirgnæfandi hluti svarenda var ánægður með starfsemi og þjónustu. Samkvæmt könnuninni geta félagsmenn verið stoltir af félaginu og öflugri starfsemi þess.
Dagsett aðgerðaráætlun
Í samninganefnd Einingar-Iðju eru 50 fulltrúar. Fyrsta verkefni nefndarinnar verður að skipuleggja vinnuna við mótun kröfugerðar félagsins. Formleg vinna hefst þann 4. apríl og unnið verður samkvæmt dagsettri aðgerðaráætlun. Þann 18. september er ráðgert að kröfugerðin verði endanlega samþykkt í nefndinni.
Höfuðmáli skiptir að ná til sem flestra félagsmanna, þannig að mörg og ólík sjónarmið komi fram. Boðað verður til félagsfunda, fundi með einstökum starfsgreinum og ítarleg skoðanakönnun gerð. Ég hvet alla félagsmenn til þess að taka þátt í undirbúningnum og hafa þannig áhrif á kröfugerðina. Þegar hún liggur fyrir, verður tekin afstaða til þess hvort félagið ákveður að vera í samfloti með öðrum félögum í Starfsgreinasambandi Íslands.
Samstaða skilar árangri
Á aðalfundi félagsins í síðustu viku var samþykkt ályktun, þar sem mótmælt er harðlega þeirri stéttaskiptingu og siðblindu sem skekur þjóðfélagið í dag. „Fundurinn hvetur öll stéttarfélög til að vinna vel að sinni kröfugerð og búa sig undir harðar deilur næsta vetur. Verkafólk getur hvorki né vill láta traðka svona á sér. Það verður að sýna atvinnurekendum og ríkisvaldi að nú sé nóg komið,“ segir í ályktun aðalfundarins.
Það getur ekki verið eðlilegt að góðærið nái aðallega til þingmanna, forstjóra og annars „sjálftökuliðs.“
Stöndum saman, þannig náum við árangri !
-Björn Snæbjörnsson, formaður Einingar-Iðju
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
