Landsbankinn tekur yfir stóran hluta miðbæjar Akureyrar
Eignarhaldsfélag Landsbankans hefur tekið yfir fasteignir Hótels Sólar ehf.
Félagið og önnur tengd félög, hafa á undanförnum árum keypt margar fasteignir í miðbæ Akureyrar, meðal annars Hafnarstræti 67 en þar er nú starfrækt hótel. Þá á félagið stóra fasteign við Kjarnaskóg, en þar var rekið dvalarheimili. Sömuleiðis á félagið marga tugi íbúða í miðbæ Akureyrar, skrifstofuhúsnæði og verslunarhúsnæði.
Til sölu
Með þessari yfirtöku er ljóst að Landsbankinn er orðinn einn stærsti eigandi fasteigna í bænum, en bankinn hyggst selja eignirnar eins fljótt og auðið er. Brunabótamat þeirra er um 800 milljónir króna.
7000 fermetrar
Eftir því sem Vikudagur kemst næst er um að ræða samtals í kringum 7000 fermetra húsnæði, stærsta eignin er við Kjarnaskóg, um 2300 fermetrar. Björn Guðmundsson hjá fasteignasölunni Byggð á Akureyri segir að þessi staða hafi varla mikil áhrif á fasteignamarkaðinn. Mér sýnist um að ræða mikið af góðum eignum í þessu tilviki og eflaust er hægt að fá ágætt verð fyrir þær á réttum tíma.
Svo virðist sem Landsbankinn hafi ekki yfirtekið allar fasteignir sem eru í eigu Hótels sólar ehf., eða tengdra fyrirtækja.
Tækifæri
Oddur Helgi Halldórsson bæjarfulltrúi L-listans á Akureyri segir miður hvernig fór fyrir Hótel Sól ehf. Ég lít svo á að ákveðin tækifæri skapist núna fyrir fjárfesta, hérna á Akureyri hefur verið uppgangur og þess vegna getur verið hagstætt að kaupa fasteignir í bænum.
Nýjast
-
50 ár frá Kópaskersskjálftanum á næsta ári
Fimmtíu ár verða liðin frá Kópaskersskjálftanum á næsta ári. Skjálftinn reið yfir þann 13. janúar árið 1976. Vakin var athygli á þessum væntanlegu tímamótum á fundi bæjarráðs Norðurþings nýverið. -
Margir notfæta sér frístundastyrk Akureyrarbæjar
Árið 2024 nutu 2.665 börn og unglingar á aldrinum 6-17 ára góðs af frístundastyrk Akureyrarbæjar eða tæplega 85% þeirra sem áttu rétt á styrknum sem er 1% aukning frá árinu á undan. -
Leikdómur - Söngleikurinn Ólafía
Leikverk sýnt í félagsheimilinu Breiðumýri Höfundur: Hörður Þór Benónýsson Leikstjórn: Hildur Kristín Thorstensen Tónlistarstjórn: Marika Alavere. Enn á ný er litla félagsheimilið á Breiðumýri vettvangur leiklistar og þótt húsið með sitt flata gólf henti ekkert sérstaklega vel til leiksýninga, fyrir leikhúsgestinn, vekur það furðu hversu vel húsið umfaðmar gestinn. Þar munar mestu sú stórgóða hugmynd að skapa kaffihúsastemningu með litlum hringborðum hvar gestum býðst að panta sér kaffi eða aðra drykki, vöfflur með sultu og rjóma og/eða annað góðgæti að bragða á fyrir sýningu eða í hléi. Undirritaður getur staðfest að rjómavafflan bragðaðist vel og kaffið heitt eins og kaffi á að vera. Var þessi þáttur leiksýningar þar með gulltryggður! -
Viðvaranir sendar út sólarhring eftir að svifryk fór tvöfalt yfir heilsuverndarmörk
Heilbrigðisnefnd bendir á að viðvaranir til almennings hafi ekki verið sendar út fyrr en daginn eftir að ástandið var sem verst og talsvert virðist skorta uppá samstarf bæjarins og Vegagerðarinnar um hreinsun gatna. -
Eyjafjarðarsveit og B. Hreiðarsson Samið um áframhaldandi uppbyggingu
Skrifað hefur verið undir samning milli Eyjafjarðarsveitar og B. Hreiðarsson um áframhaldandi uppbyggingu viðbyggingar við Hrafnagilsskóla og Íþróttamiðstöðina í Eyjafjarðarsveit. -
Matartækni hefur verið kennd við VMA í 18 ár
Vonir standa til að nýr námshópur í matartækni geti hafið nám við Verkmenntaskólann á Akureyri næsta haust. VMA hefur lengi menntað og útskrifað matartækna, eða í 18 ára og áætlað er að á bilinu 80 til 100 matartæknar hafi verið útskrifaðir á tímabilinu. -
Listasafnið - Hin líflátna endurreisn Úkraínu
Í dag kl. 17-17.40 heldur úkraínska listakonan Kateryna Ilchenko Þriðjudagsfyrirlestur í Listasafninu undir yfirskriftinni The Executed Renaissance of Ukraine. Í fyrirlestrinum, sem fer fram á ensku, mun hún fjalla um úkraínskt listafólk sem var uppi á árunum 1920-1930 og var beitt grimmilegri kúgun af hendi Sovétríkjanna. -
Ferðasjóður ÍSÍ hefur rýrnað frá árinu 2019
Ferðakostnaður barna og unglinga í íþrótta- og tómstundastarfi á landsbyggðinni hefur aukist á síðustu árum en framlag ríkisins fylgir ekki verðlagi og hefur því rýrnað umtalsvert. -
112 Dagurinn á Glerátorgi
Í tengslum við 112 daginn fór fram sýning i gær, sunnudaginn 18 feb.á Glerártorgi þar sem viðbragðsaðilar sýndu tæki og tól.
