20. nóvember - 27. nóvember - Tbl 47
Lagt til að fasteignir á Skjaldarvík verði auglýstar sem fyrst til leigu
Lagt er til að fasteignir á jörðinni Skjaldarvík í Hörgársveit verði auglýstar til leigu sem fyrst og að leigutími verði 15 til 20 ár.
Lagt er til að fasteignir á jörðinni Skjaldarvík í Hörgársveit verði auglýstar til leigu. Fyrir liggur minnisblað um Skjaldarvík og var fjallað um framtíðaráformin varðandi Skjaldarvík á fundi Umhverfis- og mannvirkjaráðs. Sviðsstjóra var falið að vinna málið áfram og auglýsa fasteignirnar til leigu.
Stefán Jónsson gaf Akureyrarbæ jörðina Ytri- og Syðri Skjaldarvík á sínum tíma, en þar hafði um árabil verið rekið dvalarheimili og var það ósk gefanda að svo yrði áfram. Ári 1998 hætti Akureyrarbær rekstri heimilisins, þar sem ástand eignanna uppfyllti ekki þær kröfur sem gerðar voru til slíkrar stofnunar og var starfsemin flutt í Kjarnalund. Undanfarin ár hefur verið rekið gistiheimili í Skjaldarvík og þar er einnig Hlíðarskóli. Gistiheimilið hætti rekstri árið 2022.
Spennandi byggingarland til framtíðar
Hluti af jörðinni hefur verið leigð sem beitarland. Alls hefur jörðin landrými upp á um 189 hektara en ræktað land er rúmlega 61 hektari. Jörðin á land að sjó, strandlengjan er um 1,6 kílómetrar að lengd og þar sjá menn mikil tækifæri til framtíðar. „Jörðin er mjög mikilvæg fyrir framtíðaruppbyggingu til lengri tíma litið og bíður upp á marga möguleika. Svæðið sem byggingarnar standa á er/verður spennandi bæði sem byggingarland og fyrir aðra landnotkun þegar kemur að skipulagningu þess í framtíðinni,“ segir í minnisblaði.
Engar tekjur en talsverður kostnaður
Á jörðinni er fasteignin Skjaldarvík sem er tæpir 1900 fermetrar að stærð, á tveimur hæðum auk kjallara og skiptis upp í fjórar álmur. Þá er tæplega 250 fermetra einbýlishús á jörðinni. Fram kemur í minnisblaði að húsin beri þess merki að hafa fengið hóflegt viðhald og takmarkaðar endurbætur, en lítil starfsemi hefur verið í Skjaldarvík undanfarin misseri og því eru heldur engar tekjur af fasteignum ef frá er talið skólahúsnæðið. Engu að síður þarf að greiða kostnað við rekstur eignanna, fasteignagjöld, hita, rafmagn og tryggingar sem dæmi. Þessi kostnaður nemur á bilinu 6 til 7 milljónir króna á ári. Einnig þarf að sinna lágmarksviðhaldi á eignum, en það vex með hverju ári ef ekkert er gert. Að meðaltal hefur kostnaður við viðhald verið 6 til 10 milljónir króna á ári.
Auglýst sem fyrst og til 15 -20 ára
Hlíðarskóli hefur þrjár byggingar til umráða á Skjaldarvíkurlóðinni, einbýlishús, skólahús og verkgreinahús og er ástand skólahúsnæðis nokkur gott að því er fram kemur í minnisblaði, þó vissulega megi bæta t.d. verkgreinahús. Áfram er reiknað með að Hlíðarskóli verði rekin í þeim húsum sem hann hefur til umráða en lóð hans afmörkuð með skýrum hætti. Eins er rætt að breyta aðkomu að skólanum og hafa hana norðan við húsin en kostnaður við það liggur ekki fyrir. Lagt er til að annað húsnæði á jörðinni verði auglýst til leigu sem fyrst, leigutími verði 15 til 20 ár og að með tilboði fylgi framtíðarsýn bjóðenda og tilboðsverð.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
