Kynntu þér stefnuskrá Sjálfstæðisflokksins
Framboð Sjálfstæðisflokksins hefur verið í forystu í sveitarstjórn um árabil. Margt hefur áunnist á þeim tíma en það er alltaf svigrúm til að gera betur. Fjöldi stórra verkefna er í farvatninu sem brýnt er að halda utan um af festu til að framkvæmd þeirra verði farsæl, má þar nefna uppbyggingu nýs hjúkrunarheimilis á Húsavík. Sveitarfélagið er vel í stakk búið til að takast á við þau verkefni sem eru framundan og munu fylgja eflingu atvinnulífs og fjölgun íbúa samhliða því. Síðustu vikur hafa frambjóðendur Sjálfstæðisflokksins unnið að stefnuskrá fyrir komandi sveitarstjórnarkosningar sem er bæði umfangsmikil og metnaðarfull en fyrst og fremst er hún raunhæf.
- Í stefnuskrá okkar kemur meðal annars fram að samhliða uppbyggingu hjúkrunarheimilis viljum við að mótuð verði stefna um nýtt hlutverk húsnæðis Dvalarheimilisins Hvamms í samstarfi við nágrannasveitarfélögun.
- Á kjörtímabilinu sem nú er senn að líða var byggður og tekinn í notkun glæsilegur íbúðakjarni við Stóragarð og við viljum á komandi kjörtímabili hefja vinnu við undirbúning á fleiri sértækum búsetuúrræðum fyrir fatlaða þar sem þörfin er mikil.
- Við viljum halda áfram að lækka álagningarprósentu fasteignaskatts. Frá 2018 hefur hún lækkað úr 0,575% í 0,460% á íbúðarhúsnæðum.
- Á líðandi kjörtímabili var unnið eftir því markmiði að taka inn við 1 árs aldur á leikskólum sveitarfélagsins og viljum við halda áfram að veita þá góðu þjónustu. Við viljum útfæra mismunandi útfærslur á sumarlokunum leikskólanna og taka ákvörðun sem leiðir til fjölbreyttari lausna til samverustunda fjölskyldufólks yfir sumartímann.
- Á síðustu 4 árum hefur frístundastyrkurinn hækkað úr 6.000 kr. í 17.500 kr. Við viljum halda áfram að gefa í og sjá til þess að hann verði orðinn 30.000 kr. við lok kjörtímabilsins. Við teljum það lykilatriði til að jafna tækifæri allra barna til þáttöku í íþrótta- og tómstundastarfi.
- Þann 12. apríl 2027 mun Völsungur fagna 100 ára afmæli og viljum við að því tilefni skipa afmælisnefnd sem mun safna saman hugmyndum, útfæra og gera tillögu að afmælisgjöf Norðurþings til félagsins.
- Við ætlum að búa starfsfólki og nemendum skóla sveitarfélagsins góð vinnuskilyrði með bættum aðbúnaði. Við viljum að allir hafi aðgang að góðri kennslu, öruggu og hvetjandi námsumhverfi, fjölbreyttum og vönduðum náms- og kennslugögnum og tækjakosti sem er í samræmi við nútímakröfur sem gerðar eru til menntunar og skólastarfs. Markmið okkar er að gera skólastofnanir okkar sem framúrskarandi skóla fyrir nemendur og eftirsóknarverðan vinnustað fyrir starfsólk.
- Ferðaþjónusta er ein af stærstu atvinnugreinunum í sveitarfélaginu. Til þess að hún blómstri þarf sveitarfélagið að sjá til þess að allir nauðsynlegir innviðir séu til staðar. Liður í því er að beita sér fyrir því að Dettifossvegur verði þjónustaður allt árið um kring og að tryggð verði grunnþjónusta við notendur hafna sveitarfélagsins.
Við hvetjum þig kjósandi góður til að kynna þér okkar sýn á framtíðina og treysta okkur áfram til góðra verka.
Frambjóðendur Sjálfstæðisflokksins hvetja alla til að koma á kosningaskrifstofu framboðsins að Hafnarstétt 25 Húsavík og hitta frambjóðendur. Opið er virka daga 16:30 – 18:30 og laugardaga 10:30-12.
Fylgstu með okkur á facebook : www.facebook.com/xd.nordurthing
Fylgstu með okkur á Instagram: xdnordur
Stefnuskrá Sjálfstæðisflokksins í Norðurþingi:
https://issuu.com/xdnordur/docs/stefnuskr_sj_lfst_isflokksins_n_2022-2026
Frambjóðendur Sjálfstæðisflokksins í Norðurþingi – setjum X við D laugardaginn 14.maí
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
