Kvennaathvarf á Akureyri missir húsnæði um áramót og óskar liðsinnis bæjarins við leit að nýju
Leigusamningi við Kvennaathvarfið á Akureyri hefur verið sagt upp og athvarfið verður því húsnæðislaust frá og með 1. janúar 2025. Samtök um Kvennaathvarf hafa leitað til bæjarráðs Akureyrarbæjar um að koma til samstarfs til þess að tryggja athvarfinu öruggt húsnæði. Í ágúst 2020 opnuðu Samtök um kvennaathvarf neyðarathvarf á Akureyri ætlað konum og börnum þeirra, sem flýja þurfa heimili sín sökum ofbeldis.
Kvennaathvarf á Akureyri hófst sem tilraunaverkefni en það kom fljótt í ljós að mikil þörf væri á slíku úrræði á svæðinu. Því var ákveðið að halda rekstri athvarfsins áfram og bæta við þjónustu þess, þannig að konur og börn fengju sambærilega aðstoð og utanumhald eins og tíðkast í Reykjavík. Í september 2023 hlutu Samtök um kvennaathvarf styrk frá félags- og vinnumarkaðsráðuneyti ætlaðan sérstaklega fyrir rekstur athvarfs á Akureyri og með mótframlagi frá Samtökum um kvennaathvarf hefur viðunandi þjónusta nú verið fest í sessi.
49 konur og 34 börn hafa dvalið í Kvennaathvarfinu á Akureyri þann tíma sem það hefur starfað.Um er að ræða hreina viðbót við þær konur sem sækja sér dvalar í Reykjavík, en aðsókn kvenna frá Norðurlandi hefur ekki dvínað í athvarfinu í Reykjavík með tilkomu athvarfs á Akureyri. Því má ætla að um sé að ræða konur sem ekki hefðu leitað til Kvennaathvarfs ef ekki væri fyrir neyðarathvarf á Akureyri. Konur og börn dvelja í athvarfinu sér að kostnaðarlausu og þiggja þar frítt fæði og aðrar nauðsynjavörur á meðan á dvöl stendur. Vönduð ráðgjöf, utanumhald og ótakmarkaður tími í dvöl stuðla að því að minni líkur eru á að konur snúi til baka í ofbeldissamband.
Bagalegt að heimilið sé í ótryggu húsnæði á almennum markaði
Kvennaathvarf á Akureyri hefur frá upphafi verið rekið í leiguhúsnæði og hafa sveitarfélög á Norðurlandi eystra tekið þátt í leigukostnaði. Nú hefur leigunni verið sagt upp og athvarfið því húsnæðislaust frá og með 1. janúar 2025. „Við leitum því hér með til Akureyrarbæjar eftir samvinnu við að finna farsæla lausn á húsnæðismálum athvarfsins og tryggja þannig framboð á því mikilvæga úrræði sem samtökin bjóða konum og börnum sem flýja þurfa heimili sín sökum ofbeldis. Ljóst er að það er einkar bagalegt að grunnþjónusta sem athvarfið veitir sé í ótryggu húsnæði á almennum markaði. Einstaklega mikilvægt er að þjónusta athvarfsins sé samfelld og að húsnæði finnist áður en uppsögn leigusamnings tekur gildi,“ segir í erindi frá Kvennaathvarfinu
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
