Kröftugt atvinnulíf á Akureyri
Sverre Andreas Jakobsson skrifar
Hlutverk bæjarfélagsins
Það er öllum ljóst að fjölbreytt og kröftugt atvinnulíf er undirstaða hvers samfélags. Öflugt atvinnulíf skapar tækifæri og laðar að sér fólk með ólíkan bakgrunn og þekkingu til bæjarins.
Hlutverk bæjarfélagsins er í raun einfalt, að skapa fýsileg skilyrði fyrir fjölbreyttan rekstur og tengja aðila saman til að ná fram aukinni skilvirkni. Framsókn vill að Akureyri verði leiðandi afl á landsbyggðinni í atvinnumálum.
Atvinnulíf er í miklum blóma á Akureyri, Framsókn vill stuðla að frekari uppbyggingu á næstu árum og efla enn frekar aðkomu Akureyrarbæjar til að mæta þörfum atvinnulífsins og eiga þar frumkvæði að samtölum og samvinnu hagaðila.
Menntun og framþróun
Háskólasamfélagið er öflugt og hefur Háskólinn á Akureyri fest sig í sessi sem öflug menntastofnun. Námsframboð hefur aukist í gegnum tíðina og því eðlilegt að velta fyrir sér næstu skrefum. Krafa atvinnulífsins er á aukna tæknimenntun. Framsókn vill efla samtalið við Háskólann og ríkisvaldið um að koma á tækninámi við Háskólann á Akureyri.
Ferðaþjónusta
Á síðustu árum hafa mikilvæg skref verið tekin í uppbyggingarmálum á Akureyri tengd ferðaþjónustu. Nefni þar stækkun á flugstöðinni og flughlaði hennar sem mun efla m.a. ferðaþjónustuna á svæðinu. Framsókn vill stuðla að auknu samtali við ferðaþjónustuaðila og fara í aðgerðir sem tryggja viðgang hennar á svæðinu. Hér má nefna endurskoðun á opnunartíma á álagstímum sundlauga, skíðasvæðisins að Hlíðarfjalli, hinna fjölmörgu safna bæjarins o.fl. Framsókn vill kortleggja hvað Akureyrarbær getur gert til að gera bæinn eftirsóknarverðari áfangastað, í nánu samstarfi við innlenda og erlenda ferðaþjónustuaðila.
Nýsköpun
Nýsköpun er mikilvæg fyrir atvinnulíf og framþróun almennt. Hún leiðir til framleiðniaukningar fyrirtækja og hagræðingar. Það er mat fagaðila að samtali fyrirtækja í nýsköpun, fjárfesta, háskólasamfélagsins og atvinnurekanda hafi verið ábótavant og úr því þarf að bæta. Framsókn vill á komandi kjörtímabili efla nýsköpun og stuðla að auknu samstarfi háskólans, stofnana, frumkvöðla, fjárfesta og fyrirtækja á svæðinu. Þannig skapast ný þekking, hugvit og færni sem leiðir til nýrra tækifæra og atvinnuþróunar.
Skipulagsmál til framtíðar
Mörg af okkar öflugustu fyrirtækjum á Akureyri eru fjölbreytt verktakafyrirtæki. Lóðaskortur hefur myndast á Akureyri sem rekja má til vaxtarkipps í íbúaþróun sem var yfir landsmeðaltali á síðasta ári. Það er mikilvægt að skipuleggja framtíðar uppbyggingarsvæði í tíma og koma þannig í veg fyrir að lóðaskortur myndist. Framsókn vill því tryggja að á hverjum tíma séu ætíð til nægilega margar skipulagðar lóðir til að mæta þörfum íbúða- og atvinnuuppbyggingar.
Verslun og þjónusta er stór hluti atvinnulífs á Akureyri. Glerártorg styrkti stöðu Akureyrar sem miðstöð verslunar og þjónustu á Norðurlandi. Uppbyggingin hefur haldið áfram með tilkomu m.a. Norðurtorgs, Elko, Húsamiðjunnar og síðar á árinu með opnun Krónunnar. Framsókn vill stuðla að enn frekari uppbyggingu í bænum og vill á kjörtímabilinu sjá miðbæ Akureyrar eflast enn frekar með fjölbreyttri verslun, þjónustu og menningarstarfsemi.
Framsókn vill vera áfram leiðandi í uppbyggingu á atvinnulífi á Akureyri, við teljum að tækifærin séu fjölmörg til frekari vaxtar.
Höfundur skipar 4. sæti á lista Framsóknar á Akureyri í komandi bæjarstjórnarkosningum
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
