Kjarnaskógur eitt öflugasta lýðheilsumannvirki landsins
„Á stundum eins og verið hafa undanfarið, þegar skítviðri geisar og hundi er vart út sigandi reiknar maður ekki með mikilli traffík hér í Kjarnaskógi en raunin er allt önnur og undirstrikar samfélagsverðmætin,“ segir Ingólfur Jóhannsson framkvæmdastjóri Skógræktarfélags Eyjafjarðar. Fjölmörg verkefni eru fram undan þegar „vetrarveðri“ um sumar slotar.
Hann segir að berlega komi í ljós þegar veður eru válynd hversu mikilvægt skógarskjólið sé og hve verðmæt skógarafurðin sé því þá flykkist fólk í skóginn til að stunda heilsubótargöngur og hlaup, einfaldlega af því þar er í boði besta veðrið á svæðinu. Skógurinn virkilega dragi til sín þá sem vilja hreyfa sig
.
Göngugarpar flykkjast í skóginn þegar veður eru válynd. Þar er mesta skjólið að fá.
Ingólfur segir marga útivistarmöguleika fyrir hendi á og við Akureyri og fólk duglegt að nýta sér það sem í boði er. Bæjaryfirvöld eigi hrós skilið fyrir að hafa unnið ötullega að því að efla þá möguleikar undanfarin ár. Kjarnaskógur sé eitt öflugasta lýðheilsumannvirki landsins og mikilvægt fyrir sjálfsmynd og lífsgæði samfélagsins. Þangað sé fjölmargt að sækja, náttúrufegurð, afþreyingu, yndis upplifun, stíga með mismunandi erfiðleikastigi en að auki er aðgengi einkar gott og bæjarbúar fljótir að komast á staðinn.
Leiðir blautar og þola illa álag
Frost er nýfarið úr jörðu og flestir stígar að verða ágætlega færir fyrir gangandi og hjólandi umferð en veðurlag undanfarið geri að verkum að leiðir sem ekki eru malbornar eru blautar og þola illa álag. „Við höfum sett viðvörunarmerki við nokkrar þeirra og biðlum til fólks að hlífa þeim uns þær þorna sem ætti ekki að taka langan tíma nú þegar hlýnar. Eigi menn engu að síður leið um er mikilvægt að fara ekki út fyrir slóð svo raskað svæði stækki ekki,“ segir Ingólfur og bætir við að í Kjarnaskógi sé að störfum öflugur starfsmaður á vegum Akureyrarbæjar sem vinnur hörðum höndum að lagfæringum og endurbótum.
Á vegum Skógræktarfélagsins eru fjölmörg verkefni fram undan í sumar og segir Ingólfur þau mörg snúast um að sinna gestum, slá grasflatir, grisja trjálundi sem er eiflífðarverkefni, dytta þarf að mannvirkjum, leiksvæðum og stígum sem og að gera nýja.
Nýr stígur og fleiri verkefni á dagskrá
Meðal nýframkvæmdaverkefna nefnir hann gerð nýs göngu/hjólastígs frá Hamraafleggjara að sólúri, umhverfi snyrtinga við Kjarnakot verður endurbætt, ný verönd þar nýtist til móttöku og yndis fyrir hópa, og eflir inniaðstöðu sem fyrir er auk þess sem aðstaða verður settu upp til að þrífa og dytta að reiðhjólum en lengi hafi verið kallað eftir slíkri aðstöðu. Þá verður áfram unnið að uppbyggingu líkamsræktaraðstöðu í Kjarna Class og lögð lokahönd á leiksvæði á Kjarnavelli sem og sleðabrekku/samkomusvæði á Kjarnatúni. Að öllum þessum verkefnum er unnið í samstarfi við Akureyrarbæ.
Áfram er unnið að uppbyggingu líkamsræktaraðstöðu í Kjarna Class
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
