Kjarakönnun Einingar-Iðju Meðallaun hæst á Dalvík en dagvinnulaunin á Akureyri
Heildarlaun félagsmanna í Einingu-Iðju er 616 þúsund krónur og hafa hækkað á milli ára úr 576 þúsund krónum. Þetta kemur fram í kjarakönnun félagsins sem gerð var seint á síðastliðnu ári. Björn Snæbjörnsson formaður Einingar Iðju segir að niðurstöður könnunarinnar sýni að þær launahækkanir sem um var samið á liðnu ári hafi skilað sér til félagsmanna.
Fram kemur í könnuninni að heildarlaun félagsmanna eru hæst á Dalvík, en þar eru þau 655 þúsund krónur á mánuði. Á Akureyri eru heildarlaun 616 þúsund krónur, í Fjallabyggð 573 þúsund krónur og annars staðar á Eyjafjarðarsvæðinu eru heildarlaun 590 þúsund krónur. Inni í heildarlaunum er yfirvinna, vaktaálag bónusar og fleira sem hífa launin upp.
Dagvinnulaun eru heldur lægri, 491 þúsund kónur á mánuði miðað við allan hópinn fyrir árið 2022, en voru 458 þúsund krónur árið á undan. Þegar dagvinnulaun eru skoðuð kemur í ljóst að þau eru hæst á Akureyri, 495 þúsund krónur á mánuði, á Dalvík eru þau 461 þúsund krónur, 482 þúsund í Fjallabyggð og 485 þúsund krónur annars staðar.
Gott atvinnuástand
Björn segir að hópurinn sérhæfðir sérfræðingar þar sem innanborðs eru m.a. verkstjórar og fólk við skrifstofustörf sé launahæsta Einingar-Iðju félaga með 704 þúsund krónur í mánaðarlaun en í launalægstuhópurinn eru þeir sem starfa m.a. við þrif og í mötuneytum.
Bílstjórar og tækjarmenn eru í hópi þeirra sem hæst hafa laun meðal félagsmanna Einingar-iðju, og þeir vinna einnig mesta yfirvinnu. Einnig er talsvert um yfirvinnu hjá þeim sem starfa við byggingar- og mannvirkjagerð.
„Ég held að þessi kjarakönnun endurspegli þann kraft sem er í eyfirsku atvinnulífi nú um stundir. Það er ekki annað að sjá en atvinnuástandið sé gott, næga vinnu að hafa og mikið um að vera almennt,” segir Björn.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
