20. nóvember - 27. nóvember - Tbl 47
Kauphallarbjöllunni hringt fyrir aukið fjármálalæsi
Frá vinstri: Heiðrún E. Jónsdóttir framkvstj. SFF, Marínó Máni, Dagur Thors, Kristján Oddur og Kristín Lúðvíksdóttir verkefnastjóri fjármálasviðs
Ungmenni sem unnu fjármálaleikana hringdu Nasdaq Iceland, ásamt Samtökum fyrirtækja í fjármálaþjónustu (SFF) og Landssamtökum lífeyrissjóða (LL), stóðu að hringingu Kauphallarbjöllunnar í ár með aðstoð ungmenna sem unnu Fjármálaleika SFF árið 2023 og 2024. Í kjölfarið tóku þau þátt í Evrópukeppni í fjármálalæsi í Brussel á vegum Evrópsku bankasamtakanna (EBF).
Upplýstar ákvarðanir
„Góður skilningur á fjármálum getur hjálpað fólki að ná betri tökum á eigin fjárhag og taka upplýstar ákvarðanir um og sparnað,” segir Magnús Harðarson, forstjóri Nasdaq Iceland. „Verðbréfamarkaðurinn gegnir stóru hlutverki í þessum efnum sem vettvangur sem hefur beint og óbeint áhrif á fjárhag okkar. Aukin þekking á honum leiðir til ígrundaðri fjárfestinga og styrkir atvinnu- og efnahagslífið.”
SFF unnið að þessu verkefni í 10 ár.
Samtök fyrirtækja í fjármálaþjónustu hafa undanfarin tíu ár haldið úti fræðsluvettvanginum Fjármálaviti. Meginmarkmiðið er að stuðla að bættu fjármálalæsi ungmenna og styðja kennara í grunn- og framhaldsskólum í kennslu um fjármál, meðal annars með fríu námsefni og öðrum viðburðum tengdum fjármálalæsi. Á þessu tímabili hefur Fjármálavit gefið kennurum og nemendum um 18.000 bækur auk þess að styðja þá kennara sem þess óska. Um 90% ungs fólks hefði viljað læra meira um fjármál í grunnskóla. Það er afar mismunandi hvort börn fái kennslu í fjármálum og þá hversu mikla. Í sumum skólum er þetta skylda, valfag í öðrum skóla og alls ekki kennt í sumum skólum.
Jöfnum tækifæri allra barna.
„Það er afar mikilvægt að öllum börnum sé gefinn kostur á að byggja upp heilbrigðan fjárhag. Því höfum við talað fyrir því að kennsla í fjármálum verði hluti af skyldunámi í grunnskólum. Bakland barna eða skólahverfi eiga ekki að ráða hér úrslitum. Öll börn verða að hafa tækifæri til að læra um fjármál. Nýleg könnun Gallup fyrir SFF að einungis 11% ungs fólks hefði fengið fjármálafræðslu í grunnskóla. Við þurfum að jafna stöðu allra barna, bakland foreldra eða skólahverfi eiga ekki að ráða því hvort börn læri um fjármál.“ Segir Heiðrún Jónsdóttir framkvæmdastjóri Samtaka fyrirtækja í fjármálaþjónustu
Öll börn fái grundvallarþekkingu í fjármálum
Við sendum ekki börn út í umferðina án þess að kenna þeim umferðarreglur. Á sama hátt leggjum við áherslu á að öll börn fái grundvallarþekkingu í fjármálum áður en þau fara út í lífið.“ bætir Heiðrún við.
Ungt fólk kallar eftir þekkingu
„Ungt fólk kallar eftir fræðslu og þekkingu um fjármál. Við skynjum skýrt að upplýsingamiðlun í þeim efnum er þarft og þakklátt verkefni sem við styðjum í verki. Klingjum því klukkum í nafni baráttunnar fyrir því að fjármálafræðsla og fjármálalæsi verði sjálfsögð námskrárefni í grunnskólakerfinu,“ segir Þórey S. Þórðardóttir, framkvæmdastjóri Landssamtaka lífeyrissjóða.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
