30. október - 6. nóember - Tbl 44
Kaon: Þakklæti fyrir gríðarlega gott bakland í heimabyggð
Styrkir sem söfnuðust í kringum Póstgöngu Einars Skúlaskonar nema um 1.2 milljónum króna og enn er hægt að styrkja verkefnið.
„Það hefur heldur betur sýnt sig að við eigum gríðarlega gott bakland í heimabyggð þegar kemur að styrkjum og stuðningi og fyrir það eru við ævinlega þakklát, „ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis, Kaon. Félagið er alfarið rekið fyrir sjálfsaflafé og með styrkjum frá einstaklingum, fyrirtækjum og öðrum félagasamtökum. Þá vinnur félagið í góðu samstarfi við Krabbameinsfélag Íslands og fær styrki í gegnum Velunnara þess.
Marta Kristín segir að undirbúningur og skipulag fyrir starfsemi félagsins næsta ár séu í fullum gangi og á heimasíðu félagsins, www.kaon.is megi sjá hvað verður í boði í janúar næstkomandi. „Við erum mjög stolt af því starfi sem við bjóðum upp á og við höfum verið að fá mikið af nýjum andlitum að kíkja til okkar á skrifstofuna undafarið,“ segir Marta Kristín en grunnur að góðu og öflugu starfi felist einmitt í því hversu rausnarlegt nærsamfélagið sé gagnvart félaginu.
Marta Kristín Rósudóttir verefnastjóri hjá Kaon.
1,2 milljónir vegna Póstgöngunnar
„Það kom okkur skemmtilega á óvart þegar Einar Skúlason hafði samband við okkur í sumar og kvaðst ætla að ganga gömlu póstleiðina frá Seyðisfirði til Akureyrar og vildi gera það í samstarfi við okkur. Gangan var tæplega 300 km og gekk hann með jólakort í bakpokanum sem hann dreifði á leið sinni,“ segir hún en göngunni lauk Einar í liðinni viku með glæsibragJólakortin í bakpokanum voru hönnuð af Lindu Guðlaugsdóttur listamanni og sýndi kortið útlínur Herðubreiðar. Styrkir sem söfnuðust í kringum gönguna eru um 1.2 milljónir króna og enn hægt að styrkja verkefnið. „Við erum mjög þakklát fyrir þetta framtak hjá Einari þar sem peningurinn mun nýjast vel í starf félagsins og umfjöllunin í tengslum við verkefnið hefur aukið sýnileika félagsins sem skiptir okkur miklu máli,“ segir Marta Kristín.
Kaon fékk talsvert af styrkum í kringum bleikan október eða um 8,5 milljónir króna. „Við erum ótrúlega þakklát öllum þeim sem hafa stutt við bakið á okkur. Það var vissulega mikið um að vera í október en auk þess sem ganga Einars vakti athygli á okkur þá höfum við fengið styrki frá Oddfellow, Norðurorku og KEA svo dæmi séu tekin.“
Frá afhendingu styrks frá Dekurdögum sem haldnir voru í október síðastliðinum
Stuðningur og ráðgjöf skjólstæðingum að kostnaðarlausu
Krabbameinsfélag Akureyrar og nágrennis veitir fólki sem hefur greinst með krabbamein og aðstandendum þeirra fjölbreytta þjónustu. Félagið býður upp á stuðning og ráðgjöf í formi viðtala, skjólstæðingum að kostnaðarlausu. Boðið er upp á fræðslu, fjölbreytt námskeið, heilsueflingu, jafningjastuðning í karla- og kvennahópum og ýmsa aðra viðburði. Eirberg er með aðstöðu á skrifstofunni og sér hjúkrunarfræðingur um að aðstoða konur sem hafa farið í fleygskurð eða brjóstnám með ráðleggingar um gervibrjóst, brjóstahaldara og ermar til þess að meðhöndla sogæðabjúg.
Skrifstofa Krabbameinsfélags Akureyrar og nágrennis er opin frá kl.10:00-14:00 mánudaga til fimmtudaga. Viðtöl hjá Ráðgjafa og Eirbergsþjónusta er í boði frá kl.09:00-16:00. Frjáls framlög á reikning í eigu Krabbameinsfélags Akureyrar og nágrennis: rn:0302-13-301557 kt:520281-0109
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
