20. nóvember - 27. nóvember - Tbl 47
Káinn á Akureyri
Jón Hjaltason skrifar um Káinn
Mér dettur ekki í hug eitt augnablik að kalla Matthías Jochumsson, Davíð Stefánsson og Kristján frá Djúpalæk annað en Akureyringa. Þó er það ómótmælanleg staðreynd að enginn þeirra var borinn og barnfæddur á Akureyri.
Og þegar betur er að gáð kemur í ljós sú óvænta staðreynd að í skáldaflóru Íslands er aðeins að finna einn einstakling sem öðlast hefur landsfrægð fyrir kveðskap og er jafnframt fæddur í kaupstaðnum við Pollinn. Sá hét Kristján Níels Jónsson og leit fyrst dagsins ljós í Fjörunni, nánar tiltekið í Aðalstræti 76. Öll þekkjum við hann undir skáldaheitinu, Káinn.
Fleira ætla ég ekki að segja ykkur af Káinn, að minnsta kosti ekki í bili, en ástæða þess að ég set þessi orð á blað er málþing sem fyrirhugað er að halda í ágúst á næsta ári, helgað Káinn. Í áformi er að fá íslenska og erlenda fyrirlesara til að draga upp mynd af skáldinu, ljóðagerð þess og samtíma á Íslandi og í Ameríku, auk þess sem menn munu velta fyrir sér hvaða erindi ljóð hans eiga við nútímann.
Þingið höldum við í samvinnu við Þjóðræknisfélag Íslendinga hérlendis og Þjóðræknisfélags Íslendinga í Vesturheimi sem ætlar af mikilli rausn að gefa bænum afsteypu af minnismerkinu um Káinn sem er þar vestra.
Þessi við, sem mér verður svo tíðrætt um, eru Hólmkell Hreinsson amtsbókavörður, Kristín Margrét Jóhannsdóttir, sem kennir við Háskólann á Akureyri, Kristinn Már Torfason, forstöðumaður og aðalhvatamaður þessa ævintýris okkar, og undirritaður. En því er ég að telja okkur upp að ef þið lumið á einhverju sem varðar Káinn þá endilega hafið samband. Maður veit aldrei hvar fróðleiksmolar kunna að leynast.
Munið svo að taka frá laugardaginn 26. ágúst næstkomandi en þá þingum við um Káinn, skáldið sem fæddist í Fjörunni.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
