20. nóvember - 27. nóvember - Tbl 47
Jólin kvödd
Ásgeir Ólafsson.
Jólin voru með svipuðu sniði og venjulega. Ég hélt þau og keypti gjafirnar sem ég átti að kaupa. Enginn fór í jólaköttinn. Eða hvað?
Þegar ég var lítill þá voru jólin svona.
Ég beið þeirra í ofvæni frá fyrsta í aðventu þegar mamma kveikti á fyrsta ljósinu á kransinum ég sem ég hjálpaði til við að gera. Á þetta lifandi kertaljós gat ég starað í marga klukkutíma. Það kallaði á jólasögur. Pabbi kunni nokkrar og mamma líka. En svo skálduðu þau auðvitað eitthvað þegar ég hafði heyrt þær allar. En mér var sama. Ég vildi heyra sömu söguna aftur og aftur. Jólalögin tóku að hljóma. Mínar uppáhaldsplötur eru ,,rauða platan” með Ellý og Villa Vill. Gleðileg jól með kertunum á og Glade jul með Sissel. Þær eru það enn. Þetta voru plöturnar sem ég hlustaði á þegar ég var rétt orðinn það stór að höfuð mitt og háls voru orðin nógu stór og sterk til að valda heddfónunum sem pabbi átti merkt FINLUX. Þau voru meira að segja of stór á hann fullorðinn manninn. En hljómurinn úr þeim var undurfagur. Þegar fystu fimm lögin voru svo búin, var mikið stuð að fá að snúa plötunni við. Að hitta í gatið.
Baksturinn með mömmu stóð fram eftir desember reglulega eftir skóla og um helgar og var gaman að fá að hnoða degið og stelast til að borða það þegar hún sá ekki til og hlusta á plöturnar á meðan. Gluggaseríurnar, þær sömu ár eftir ár, þessar marglitu vöktu mikla kátínu þegar pabbi fékk það hlutverk að greiða úr þeim og þær fóru upp í gluggana.
Laufabrauðsgerðin tók svo við einhvern langan dimman laugardaginn í desember með allri fjölskyldunni við sama borð þar sem allur dagurinn fór í þetta æðislega móment með góðum mat og kannski jólaöli um kvöldið. Alvöru jólamat.
Svo blandaði pabbi alltaf jólaölið í sömu könnunni ár eftir ár. Ég man að ég mátti ekki missa af því. Á aðfangadag spurði ég pabba öugglega milljón sinnum, hvenær ætti að blanda. ,,Hvenær ætlarðu að blanda, hvenær eiginlega”?
Svo loksins kallaði hann á mig. Jólablanda! Þá var alveg sama hvað ég var að gera. Það kom ekkert í staðinn fyir þetta. Váááááááá…þetta var magnað. Hvernig hann var mikill snillingur í þessu.
Ég man meira segja ein jólin þegar systir mín sem er tveimur árum eldri átti að fá að blanda. Ég fór að hágráta. Nei það kom ekki til greina.
Pabbi átti að sja um þetta.
Svo sterkar voru hefðirnar mínar. Það var látið eftir miðbarninu.
Það er talað um að jólin séu hátið barnanna og er þessi saga hér á undan dæmigerð um það. Við ræddum þetta feðgarnir milli jóla og nýjars að eitthvað væri farið að vanta upp á jólaskapið. Við köfuðum djúpt og er það í raun ástæða þessa pistils. Við komumst að því hvað okkur varðar þá hefur þetta ekkert með aldur að gera. Jólin eru hátið barnanna, rétt, en við eigum öll að geta orðið börn aftur þessa fáu daga ári og tekið fullan þátt í jólunum.
Því er nauðsynlegt að tala saman til að komast að því sanna og enn mikilvægara að viðhalda hefðum.
Í stað þess að búa til jólaplaylista og láta einhver jólalög rúlla ásamt þínum uppáhalds á ,,shuffle” á Spotify, þá ætlum við að láta plöturnar sem við elskum rúlla þar í réttri röð. Enn betra ef við eigum vínylspilara. Þá er það fullkomið. Þá fær maður að snúa plötunni við aftur. Við ætlum ekki að sleppa laufabrauðinu að því að það er svo þægilegt að kaupa þetta tilbúið úr búðinni.
Við ætlum ekki að sleppa því að blanda jólaölið af því að það er svo tilvalið að kaupa þetta tilbúið.
Við ætlum ekki að breyta um jólaliti milli ára. Eða lit á seríunni á jólatrénu. Ef hún bilar ætlum við að hafa fyrir því að finna aðra eins.
Við ætlum ekki að sleppa jólabakstrinum af því að það gæti jafnvel verið ódýrara að kaupa kökurnar tilbúnar.
Við ætlum heldur ekki að gera lítið úr fyrsta í aðventu. Við ætlum að gera krans. Alvöru krans.
Við ætlum að horfa á jólamyndir, eina á kvöldi og slökkva svo á sjónvarpinu og hafa fyrir því að hita heitt súkkulaði með myndinni en ekki grípa eitthvað sem er minna mál að hafa með myndinni.
Við ætlum að fá okkur kókópuffs á laugardögum frá fyrsta í aðventu og yfir jólin.
Við ætlum að hafa aðeins meira fyrir jólunum. En kveðja þau ekki fyrir fullt og allt.
Ætlum að segja bara bless í ellefu mánuði.
Sjáumst svo aftur.
Hlakka til.
Við vitum vel að þessi ,,dýrmæti tími” sem sparast í að sleppa hefðunum fer ekki í neitt annað en meira sjónvarpsgláp og aukinn símatíma.
Þetta er ekki tími sem sparast í að gera eitthvað uppbyggilegt.
Höldum fast í jólahefðirnar.
Gleðileg jól (Sko, næstu jól)
Nýjast
-
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin.
