Jólakaka ömmu Gullu
Gunnheiður Guðlaug Þorsteinsdóttir, bóndi á Fit undir Vestur-Eyjafjöllum og margföld amma, ætlar að deila uppskrift af sinni sígildu jólaköku. Þau sem lagt hafa kökuna undir tönn segja að þarna sé á ferð kaka sem engan svíkur. „Kakan er sögð fullkomin með ískaldri mjólk, helst beint af spena eða bara með kaffinu,“ segir Gulla glöð í bragði.
Gunnheiður Guðlaug, sem alltaf er kölluð Gulla, segir að hún hafi bakað þessa tilteknu köku, sem alltaf hefur verið kölluð „Jólakakan“ af þeim sem þekkja til, hver einustu jól síðan hún flutti að heiman eða í um það bil hálfa öld.
Gulla ólst upp á Görðum við Reynisfjöru í Mýrdalshreppi, en þaðan er uppruni uppskriftarinnar, þó ekki sé vitað hver bakaði fyrstu jólakökuna. „Mamma bakaði alltaf þessa köku í kringum jólin og ég gæti ekki ímyndað mér jólahátíðina án hennar hreinlega. Ég hef ekki upplifað jól án hennar, alla mína ævi,“ segir Gulla.
Móðir Gullu, Ragnheiður Klemenzdóttir, húsmóðir, bakaði kökuna nær undantekningarlaust á Þorláksmessu eða jafnvel stundum, tveim dögum fyrir aðfangadag, því eftirvæntingin var svo mikil hjá heimilisfólkinu að fá að gæða sér á kökunni og fá smá forskot á sæluna þarna um miðbik síðustu aldar, þegar Gulla sleit barnskónum á Görðum í Mýrdalnum.
Gulla segir aðspurð um hvort ekki hvíli einhver leynd yfir uppskriftinni, að svo sé ekki. Hún vill að sem flestir fái að njóta kökunnar og þylur svo upp uppskriftina eftir minni.
Uppskrift af sígildu jólakökunni hennar Gullu:
Byrjið á að hita ofninn í 200°
Innihaldsefni
- 400 g sykur
- 400 g smjör
- 500 g hveiti
- 8 egg
- ½ tsk. lyftiduft
- 1 appelsína
- 250 g súkkulaði
- Döðlur og/eða rúsínur
- Rauð og græn kokteilber
Aðferð
- Hrærið saman smjör og sykur þar til að það verður ljóst að lit
- Bætið eggjunum við, einu í senn
- Hrærið hveitið síðan saman við
- Rífið appelsínubörk, látið ½ brytjað súkkulaði, döðlur, rúsínur, rauð og græn kokteilber, kardimommur og örlítið af sítrónudropum í formin
- Bakið jólakökuna neðst í ofninum við 200°C til að byrja með, lækkið síðan hitann aðeins þegar líður á bökunartímann
- Bökunartími er 50-60 mín.
Deigið tilbúið, beint úr hrærivélinni
Jólakakan orðin hefð hjá afkomendum
Þegar Gulla er spurð hvort jólakakan sé hennar uppáhaldskaka, segir hún svo sannarlega vera og að henni finnist einstaklega gaman að baka hana líka, enda fylgja henni margar minningar og ekki skemmi bragðið heldur fyrir.
Gulla bakar jólakökuna rétt eins og móðir hennar á Þorláksmessu ár hvert. „Barnabörnin eru nú orðin þó nokkur skal ég segja þér og ég held að mér hafi tekist að gera þessa köku að hefð líka hjá dætrum mínum, sem eru þrjár talsins, rétt eins og hún hefur verið hjá mér og mömmu minni í gegnum tíð og tíma. Ég vona innilega að kakan slái í gegn hjá komandi kynslóðum þegar fram líða stundir, uppskriftin mun allavega lifa áfram.“
Deigið komið í form
Virkar líka á öðrum árstímum
Gulla segir að stundum hafi hún stolist í að baka jólakökuna að sumri til en það sé þá að ósk barnanna sem geta ekki beðið til jóla eftir að fá að leggja kökuna undir tönn. Þá hefur hún tekið forskot á sæluna og bakað hana yfir hásumarið. Hún segir að það heyri einungis til undantekninga og að hún vilji helst baka hana einungis yfir jólin, þá allra helst á Þorláksmessu.
„Jólakakan virkar alveg líka á öðrum árstímum en eins og nafnið gefur til kynna þá er kannski pínu siðlaust að baka hana á öðrum tíma en á jólunum. Ég sleppi allavegna kokteilberjunum því þau bera með sér svo jólalega liti, rauðan og grænan, sjáðu til. Kannski er þá hægt að segja sem svo að kakan sé sumarkaka og þá er vel hægt að borða hana með góðri samvisku, en hún er þó alltaf best um jólin,“ segir Gulla í jólaskapi að lokum.
Gunnheiður Guðlaug Þorsteinsdóttir, bóndi, í berjamó
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
