Inntökupróf Læknadeildar og Tannlæknadeildar HÍ nú einnig á Akureyri
Háskóli Íslands mun í ár í fyrsta sinn bjóða upp á inntökupróf í læknisfræði, sjúkraþjálfunarfræði og tannlæknisfræði bæði í Reykjavík og á Akureyri. Prófin fara fram dagana 5. og 6. júní nk.
,,Ég er ánægð með að rektor hafi tekið málið upp og fylgt því eftir en við höfum verið í samtali frá því ég lagði fyrirspurn fram um það. Þetta skiptir landsbyggðirnar miklu. Það eru oft litlu málin sem velta þungu hlassi og í þessu tilfelli erum við að mæta fólki og efla tækifæri þeirra óháð búsetu" sagði Ingibjörg Isaksen í stuttu spjalli við vefinn.
Ingibjörg Isaksen (B)
Inntökupróf í læknisfræði og sjúkraþjálfunarfræði hafa verið haldin um langt árabil og umsækjendur um tannlæknisfræði þreyta nú sama próf í þriðja sinn.
Til þess að koma betur til móts við nemendur víða um land sem hafa áhuga á að þreyta prófið hafa Læknadeild og Tannlæknadeild nú ákveðið að bjóða upp á inntökupróf á Akureyri í fyrsta sinn.
Það verður haldið í Háskólanum á Akureyri á sama tíma og umsækjendur þreyta prófið í Háskóla Íslands. Allir þátttakendur þreyta prófið í rafræna prófakerfinu Inspera og umsjón með prófunum á báðum stöðum verður í höndum prófaskrifstofu Háskóla Íslands.
Að þessu sinni verða 75 umsækjendur teknir inn í læknisfræði og 40 í sjúkraþjálfunarfræði. Þá verður allt að 40 nemendum boðið að hefja nám í tannlæknisfræði í haust.
Sækja þarf um að þreyta inntökuprófið fyrir 20. maí en allar nánari upplýsingar um prófið er að finna á vefsíðu þess.
Nýjast
-
Lífinu fagnað
Tónlistarmaðurinn og rithöfundurinn Orri Harðarson glímir um þessar mundir við illvígt og ólæknandi mein. -
Inntökupróf Læknadeildar og Tannlæknadeildar HÍ nú einnig á Akureyri
Háskóli Íslands mun í ár í fyrsta sinn bjóða upp á inntökupróf í læknisfræði, sjúkraþjálfunarfræði og tannlæknisfræði bæði í Reykjavík og á Akureyri. Prófin fara fram dagana 5. og 6. júní nk. -
Vantar sárlega íbúðir fyrir eldri borgara- Unnið að stofnun ÍBA+55
„Við erum að eiga við uppsafnaðan vanda, þörfin er æpandi og verði ekki neitt að gert stefnir í algert ófremdarástand innan fárra ára,“ segja þeir Guðmundur Magnússon og Karl Erlendsson sem vinna að því að stofna félagið ÍBA +55, Íbúðarþróunarfélagi Akureyrar. Þeir vinna sameiginlega að verkefninu hjá Drift EA, frumkvöðlasetri í gamla Landsbankahúsinu. Verkefni þeirra var valið inn í Hlunninn sem þýðir að þeir fá margs konar aðstoð við verkefnið og vinnslu þess fram í byrjun sumars. -
Körfuboltaspilandi og kórsyngjandi heimspekingur
Vísindafólkið okkar er mánaðarleg kynning á vísindafólkinu okkar. Sigurður Kristinsson, prófessor í heimspeki og deildarforseti Félagsvísindadeildar er vísindamanneskja febrúar. -
Lokaorðið - Það er fullt af fórnarlömbum á Íslandi – ekki þú vera þar
Hættu þessu væli Leggðu þig fram Berðu virðingu fyrir fólki Gerðu góðverk Settu þér markmið Þorgrímur Þráinsson, RUV, febrúar 2025 -
Ástand göngugötunnar á Akureyri verulega slæmt
Ráðast þarf í umfangsmiklar og kostnaðarsamar framkvæmdir við göngugötuna á Akureyri en ástand hennar er afar slæmt. Frumáætlun um kostnað við viðgerðir hljóðar upp á 250 milljónir króna. Minnisblað um um viðhald og endurbætur á göngugötu Akureyrar var lagt fram í umhverfis- og mannvirkjaráði nýverið. -
Gera athugasemdir við úthlutun byggðakvóta til Raufarhafnar
Á fundi byggðarráðs Norðurþings í síðustu viku var fjallað um úthlutun byggðakvóta til einstakra byggðarlaga á fiskveiðiárinu 2024- 2025. -
Erfiðar aðstæður í rekstri Kjarnafæðis Norðlenska á liðnu ári
Tap Kjarnafæðis Norðlenska nam um 250 milljónum króna á liðnu ári sem er mikil breyting á afkomu félagsins þegar miðað er við árið 2023 en þá var hagnaður af rekstinum. -
Akureyrarbær staðið svifryksvaktina vel undanfarið
„Akureyrarbær hefur staðið vaktina vel undanfarið og þar á bæ hafa menn verið duglegir við rykbinda götur og þrífa eftir því sem aðstæður krefjast og leyfa,“ segir Leifur Þorkelsson framkvæmdastjóri Heilbrigðiseftirlits Norðurlands eystra.
