13.nóvember - 20.nóvember - Tbl 46
Í tilefni af Hollandsflugi: Notum beina flugið
Oddur Helgi Halldórsson, umvafinn túlípönum í Hollandi.
Þegar við Norðlendingar förum út í heim, eru það venjulegast tveir leggir. Annars vegar Akureyri-Keflavík,sem er langur og tímafrekur og yfirleitt þarf að gista fyrir eða eftir flug, eða bæði. Hinn leggurinn er frá Keflavík til ca. 60 áfangastaðir í Evrópu og 20 vestan hafs. Þú kemst á áfangastað á tveimur dögum.
Nú gefst okkur kostur á að fara í tveimur leggjum á miklu fleiri staði, á einum degi. Fyrri leggurinn er þá Akureyri- Rotterdam. Hægt er að keyra þaðan eða taka lest til helstu áfangastaða Evrópu. Einnig er hægt að fljúga þaðan til ca 40 áfangastaða, m.a. Tenerife. Það er innan við klukkutímaferð, með lest til Schiphol flugvallar, þaðan sem áfangastaðirnir skipta hundruðum.
Holland er gósen land hjólreiðarmannsins og fyrir ykkur sem ekki hafið hjólað erlendis er þetta frábær byrjunarpunktur. Landið er alsett mjög vel merktum hjólaleiðum við allra hæfi. Hægt er að velja langar og stuttar dagleiðir . Í Hollandi er mjög gott leiðarkerfi sem heitir Fietsknooppunkt. Það er nokkurs konar hnitakerfi, þar sem þú velur á milli hvaða punkta þú hjólar. Þú velur leið og vegalengd eftir eigin ósk. Til er app bæði fyrir Iphone og Android. Það er mjög auðvelt í notkun. Leiðirnar eru mjög vel merktar og þú hjólar á milli punkta án vandkvæða. Holland er lítið, þéttbýlt, blómskrúðugt og fallegt land. Það er hrein og tær upplifun að hjóla um landið.
Ef ykkur hefur dreymt um að fara hjólaferð til útlanda er Holland frábær byrjun.
Þeir sem hafa prófað beint flug frá og til Akureyrar vita að það er algjör lúxus að vera kominn heim, nokkrum mínútum eftir lendingu. Með beinu flugi til Rotterdam er verið að opna allan heiminn fyrir okkur. Ég skora á Norðlendinga að hugsa út í þennan valkost og nýta sér, því það er líka undir okkur komið að halda beinu flugi gangandi. Ef vel gengur á þetta bara eftir að aukast og ferðum og möguleikum að fjölga.
-Oddur Helgi Halldórsson, höfundur er áhugamaður um beint millilandaflug frá Akureyri.
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
