Hymnodia og Scandinavian Cornetts and Sackbuts
Hymnodia tekur á móti endurreisnarhópnum Scandinavian Cornetts and Sackbuts á tónleikum í Akureyrarkirkju sunnudaginn 30. mars kl. 17
Á efnisskránni verða gullfalleg kórverk og hljóðfæraverk frá lokum 15. aldar og frá 16. öld.
Scandinavian Cornetts and Sackbuts taka þátt í stærri verkefnum, svo sem flutningi á verkum
eins og Monteverdi Mariavesper og Orfeo, en koma einnig fram sem sjálfstæð sveit.
Meðlimir hljómsveitarinnar spila á hljóðfæri endurreisnarinnar, zink (cornett) og
endurreisnarbásúnur (sackbut) og eru þau öll sérhæfð í flutningi á endurreisnartónlist og í
fremstu röð í leik á þessi stórmerkilegu hljóðfæri. Þau eiga frábæran tónleikaferil með fremstu
tónlistarhópum Evrópu.
Meðlimirnir að þessu sinni eru:
Conor Hastings (England), Nils Carlsson (Svíþjóð), Marit Lund Bjørnsen (Noregur) og
Christoph Schnaithmann (Svíþjóð)
Sérstakur gestur verður Steinunn Arnbjörg Stefánsdóttir, sellóleikari.
Cornett og Sackbut voru lykilhljóðfæri sem voru mikið notuð á endurreisnartímanum og
snemma á barokktímanum, sérstaklega í kirkju- og kammermúsík. Þau voru forverar nútíma
hljóðfæra eins og trompets og básúnu.
Cornett (Zink á þýsku)
- Cornett er tréblásturshljóðfæri með munnstykki úr málmi, svipað og í trompet.
- Það er gert úr viði sem er klæddur með leðri og er með sex fingragöt, svipað og blokkflauta.
- Cornett er með bjartan, mjúkan og syngjandi hljóm og var notað í bæði trúarlegri og
veraldlegri tónlist.
- Hljóðfærið var sérstaklega vinsælt á 16.öld og fyrri hluta 17. aldar og var oft notað með
söngröddum, því það hafði sérlega mannlegan tónlit.
Sackbut (forveri básúnunnar)
- Sackbut er forveri nútíma básúnunnar og er með mjúkan, áberandi en ekki eins skæran tón
og nútíma básúna.
- Sackbut er með útdraganlegan sleða eins og básúnan í dag, en með mjórri og beinni bjöllu
- Sackbuts komu í ýmsum stærðum, frá sópran til bassa
- Hljóðfærið var mikið notað í kirkjutónlist, konunglegum hirðhljómsveitum og í samspili við
cornets.
Saman mynduðu cornetts og sackbuts oft sveitir sem léku bæði í trúarlegum athöfnum og
hirðtónlist. Þau voru sérstaklega notuð í tónlist eftir tónskáld eins og Gabrieli og Monteverdi.
Á efnisskrá tónleikana eru m.a. verk eftir ítölsku tónskáldin Andrea Gabrieli (1532-1585) i
Ludovico da Viadana (1564-1627), Marco Antonio Ingegneri (1535-1592), flæmska tónskáldið
Josquin des Pres (1450-1521), spænsku tónskáldin Crisóbal de Morales (1500-1553) og Tomás
Luis de Victoria (1548-1611) og bretana Thomas Tallis (1505-1585) og William Byrd (1540-1623)
Stjórnandi á tónleikunum er Eyþór Ingi Jónsson
Miðaverð er 5000 kr.
Nýjast
-
Aðför að landsbyggðinni – og tilraun til að slá ryki í augu almennings
Það er ekki hægt að tala um sátt í sjávarútvegi þegar aðgerðir stjórnvalda beinast ekki gegn þeim sem bera mesta ábyrgð heldur bitna í reynd á fólkinu og byggðunum sem atvinnugreinin heldur uppi. -
Knattspyrnudómarafélag Norðurlands styrkir lyflækningadeild SAk
Fulltrúar Knattspyrnudómarafélags Norðurlands, Aðalsteinn Tryggvason og Bergvin Fannar Gunnarsson, komu færandi hendi með ágóða aðgangseyris frá úrslitaleik Kjarnafæðimótsins og afhenti lyflækningadeild SAk 300.000 krónur -
Veiðigjöld
Þröstur Friðfinnsson sveitarstjóri í Grýtubakkahrepp skrifar pistil á Facebook í dag um um áhrif hækkun veiðigjalds á landsbyggðina. Vefurinn fékk góðfúslegt leyfi frá Þresti til að birta umræddan pistil. -
Glamrið í glerhúsunum
Það hefur löngum þótt slæmur siður að kasta grjóti úr glerhúsi. Myndlíkingin skýr, glerinu rignir samstundis í höfuð þess sem kastar. Því er rétt að staldra aðeins við áður en grjótið er látið vaða. -
Hvernig tryggjum við orkuöryggi?
„Uppbygging raforkukerfisins er ekki í takti við þörf samfélagsins“. Þetta sagði Kristín Linda Árnadóttir, aðstoðarforstjóri Landsvirkjunar, á ráðstefnunni „Orkuöryggi – hvernig tryggjum við orkuöryggi til framtíðar?“ sem Lagadeild Háskólans á Akureyri stóð fyrir þann 18. mars síðastliðinn. Meðal þess sem kom fram á ráðstefnunni var að Björg Eva Erlendsdóttir, framkvæmdastjóri Landsnets, sagði að raforkuöryggi byggi á réttlæti og stöðugleika fyrir minni notendur. Halla Hrund Logadóttir, þingmaður og fyrrverandi orkumálastjóri, sagði að við óbreytt ástand væri það ekki spurning um hvort heldur hvenær raforkuskortur verði á Íslandi og að tryggja þurfi forgang almennings og Ragnheiður Elfa Þorsteinsdóttir, lektor við lagadeild HA, velti upp þeirri spurningu hvort rétt væri að færa leyfisveitingarvaldið vegna vatnsaflsvirkjana aftur til Alþingis. -
Þórsarar í efstu deild í handboltanum á ný
Karlalið Þórs tryggði sér í gær sæti í úrvalsdeild karla í handbolta í fyrsta skipti frá árinu 2021 með stórsigri á B liði HK 37- 29, í lokaumferð 1. deildarinnar. Þórsarar léku vel í vetur og eru vel að deildarmeistaratitlinum komnir. -
Aldrei fleiri sjálboðaliðar
Vel var mætt á aðalfund Rauða krossins við Eyjafjörð á dögunum en þar var farið yfir þau fjölmörgu verkefni sem deildin á aðkomu að á Eyjafjarðarsvæðinu. Jón Brynjar Birgisson hélt á fundinum erindi um Rauða krossinn og breytta heimsmynd. -
Akureyrarbær Ræstingarfólk njóti samningsbundinna réttinda
Bæjarráð Akureyrar tekur alvarlega þá umfjöllun sem fram hefur komið um aðstæður og kjör starfsfólks tiltekinna ræstingarfyrirtækja, en rætt var um stöðu ræstingarfólks á fundi ráðsins nýverið í kjölfar umræðu um aðstæður þess og kjör. -
Togarajaxlar vekja athygli hjá enskum.
Það er óhætt að fullyrða að heimsókn eldri togarajaxla til Hull og Grimsby hafi vakið verulega athygli á Englandi og ferðin heppnast mjög vel. ,,Strákunum okkar" var afar vel tekið og nutu þessarar ferðar fram í fingurgóma.
